Հաստատվել է Թուրքիայում պայթյուն իրականացրած մահապարտ ահաբեկչի ինքնությունը

Տարածաշրջան09:13, 22 Հուլիս 2015

Հաստատվել է Թուրքիայում պայթյուն իրականացրած մահապարտ ահաբեկչի ինքնությունը

Հաստատվել է Թուրքիայի Ուրֆա նահանգի Սուրուչ գավառումպայթյունն իրականցրած մահապարտ ահաբեկչի ինքնությունը: Ըստ թուրքական «sondakika.com» կայքի` ԴՆԹ փորձաքննության արդյունքում հաստատվել է, որ մահապարտը Թուրքիայի Ադըյաման նահանգում գրանցված 20-ամյա ուսանող Շեյհ Աբդուրահման Ալագյոզն է:

Հաղորդվում է նաև ահաբեկչությանը մասնակցած հնարավոր 2-րդ անձնավորության մասին, որի ինքնությունը դեռ չի պարզվել: Պայթյունի հետևանքով մաս-մաս եղած դիակի կտորտանքներից հնարավոր է եղել պարզել միայն, որ 2-րդ հնարավոր ահաբեկիչը կին է: Վերջինիս ինքնությունը պարզելու ուղղությամբ աշխատանքներ են իրականացվում:

Ինքնությունը պարզված մահապարտի մայրն ասել է, որ իր տղաները 6 ամիս առաջ մեկնել էին Այթապ քաղաք` աշխատելու, սակայն իրենք տեղյակ չեն եղել, թե որդիներն այնտեղ ինչ աշխատանք են կատարել:

Հիշեցնենք, որ Թուրքիայի Ուրֆա նահանգի Սուրուչ շրջանի «Ամարա» մշակության կենտրոնի դիմաց մահապարտը իրեն պայթեցրել էր: Կենտրոնում տեղակայվել էր «Սոցիալիստ երիտասարդական միությունների ֆեդերացիայի» 300 հոգանոց խումբը: Խումբը պատրաստվում էր ուղևորվել Սիրիայի հյուսիսում գտնվող Քոբանի` աջակցելու քաղաքի վերականգնմանը: Պայթյունի հետևանքով զոհվել է 32 մարդ:

Աղբյուր` Ermenihaber.am

Այս ենթաբաժնի վերջին նորությունները

15:16, 21 հուլ

Հրդեհներ Թուրքիայի հյուսիս-արևելքում. տարհանվել է 2 թաղամաս

Թուրքիայի Սաքարյա նահանգի Գեյվե շրջանում երկու օր է, ինչ ուժգին անտառային հրդեհներ են:

14:36, 21 հուլ

Էրդողան. «Զանգեզուրի միջանցքը կդառնա համաձայնության խորհրդանիշ»

Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։

13:25, 21 հուլ

Hurriyet. «Իսրայելի թիրախը Թուրքիան է»

Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։