Տարածաշրջան14:11, 20 Հուլիս 2015
Պայթյուն Թուրքիայում. 28 զոհ, մոտ 100 վիրավոր
Թուրքիայի Ուրֆա նահանգի Սուրուչ շրջանում պայթյուն է տեղի ունեցել: Թուրքիայի ներքին գործերի նախարարությունը հայտնում է, որ պայթյունի պատճառով զոհվել է 28, վիրավորվել մոտ 100 քաղաքացի: Թուրքական «Vatan» թերթի տեղեկացմամբ՝ պայթյունը տեղի է ունեցել Սուրուչի «Ամարա» մշակության կենտրոնի դիմաց, որտեղ տեղակայվել էր «Սոցիալիստ երիտասարդական միությունների ֆեդերացիայի» 300 հոգանոց խումբը: Խումբը պատրաստվում էր ուղևորվել Սիրիայի հյուսիսում գտնվող Քոբանի` աջակցելու քաղաքի վերականգնմանը:
Ուրֆայի նահանգապետ Իզզեթթին Քյուչյուքը հայտարարել է, որ պայթունը իրականացրել է մահապարտ ահաբեկիչը: Քյուչուքը տեղեկացրել է, որ մահապարտի ինքնության մասին դեռևս տեղեկություններ չունեն և անվտանգության ուժերը աշխատում են նրա ինքնությունը պարզելու ուղղությամբ:
Թուրքական մի շարք լրատվականներ հայտնում են, որ պայթյունի հետևում կանգնած է «Իսլամական պետություն» ահաբեկչական կազմակերպությունը: Մասնավորապես «Hürriyet» թերթը, հղում անելով դեպքի վայրում իր աղբյուրներին, գրում է, որ պայթյունը իրականացրել է ԻՊ-ի համակիր 18-ամյա մի աղջիկը, որը կարողացել էր մտնել այգում հավաքված երիտասարդների շարքերը:
Թուրքիայի նախագահ Ռեջեփ Թայիփ էրդողանը դեպքը դատապարտող հայտարարություն է արել: Էրդողանը ցավակցել է զոհերի հարազատներն և առողջություն մաղթել վիրավորներին: «Ահաբեկչությունը, որտեղից ուզում է լինի, անեծքի արժանի է: Այն ո՛չ կրոն ունի, ո՛չ ռասա, ո՛չ ազգություն, ո՛չ հայրենիք: Միշտ ասել և ասում ենք, որ ահաբեկչության դեմ պետք է միջազգային պայքար մղել»,-Էրդողանի խոսքերը մեջբերել է «Sondakika» լրատվական կայքը:
Այս ենթաբաժնի վերջին նորությունները
Թուրքիայի Սաքարյա նահանգի Գեյվե շրջանում երկու օր է, ինչ ուժգին անտառային հրդեհներ են:
Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։
Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։
Բանակցությունները տեղի կունենան հուլիսի 25-ին և կանցկացվեն փոխարտգործնախարարների մակարդակով։
Թուրքիայի Սաքարյա նահանգի Գեյվե շրջանում երկու օր է, ինչ ուժգին անտառային հրդեհներ են:
Ներկայացուցիչների միջև հանդիպումը նախատեսվում է այս շաբաթ: Հստակ օր դեռևս հայտնի չէ:
Նշենք, որ վերջին անգամ կողմերը համաձայանգիրը երկարաձգել են 2010-ին՝ 15 տարի ժամկետով։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |