Ցեղասպանություն08:34, 10 Հուլիս 2015
Դավութօղլուի կինը խոսել է Հայոց ցեղասպանության մասին
Թուրքիայի վարչապետ և իշխող «Արդարություն և զարգացում» կուսակցության (AKP-ԱԶԿ) նախագահ Ահմեթ Դավութօղլուի կինը՝ Սարե Դավութօղլուն, հայտնել է, որ ընտրություններում ԱԶԿ-ի գրանցած արդյունքը մեծ հաջողություն է: Այս մասին Սարե Դավութօղլուն ասել է թուրքական «Milliyet» թերթին տված հարցազրույցի ժամանակ, որի ընթացքում ի թիվս նախընտրական և հետընտրական շրջանի, գրանցված արդյունքների, առողջապահության ոլորտին վերաբերող և հասարակությանը հետաքրքող հարցերի, խոսել է նաև Հայոց ցեղասպանության մասին:
Տիկին Դավութօղլուն մասնավորապես նշել է, որ Թուրքիայի հասարակությունում տարբեր խմբավորումերի առկայությունն ընտրությունների շրջանում ավելի ակնառու էր դարձել: Ըստ նրա՝ պետք է այդ խմբավորումներից ձերբազատվել՝ սկսելով ընդհանուր խնդիրներից:
«Կարող ենք տարբեր կերպ մտածել, սակայն առանց այդ տարբերությունները թշնամության վերածելու պետք է միասնություն հաստատեք»,- նկատել է վարչապետի կինը:
Սարե Դավութօղլուն համաձայնել է լրագրողի այն դիտարկմանը, որ թուրքական քաղաքականությունը մի ժամանակահատվածում է գտնվում, երբ փոխզիջման անհրաժեշտություն կա: Որպես օրինակ տիկին Դավութօղլուն բերել է Հայոց ցեղասպանության հարցը՝ նշելով, որ Թուրքիայի կառավարությունը փորձել է արդարացի մոտեցում ցուցաբերել այդ խնդրին:
«Երկրի գերակա շահեր» արտահայտություն կա, որոնց առկայության ժամանակ, բոլորը համապատասխան դրանց պիտի մտածեն: Սակայն այդպես չի լինում: Երանի թե որոշ հարցեր կարողանանք վեր դասել քաղաքական մրցակցությունից: Հայոց ցեղասպանության պնդումների մասին հայտարարությունները տեսաք: Արդյունքում այս կառավարությունը փորձեց արդարացի մոտեցում դրսևորել: Պարոն Ահմեթն էլ հայտարարեց, որ արտասահմանում ապրող հայերը նաև մեր սփյուռքն է: Սակայն մարդկանց վշտացնում է այն մարդկանց մոտեցումները, ովքեր մեր երկրի բարօրությունը չեն ուզում: Կանխակալ վերաբերմունք կա»,- նշել է Սարե Դավութօղլուն:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |