Չինաստանը հորդորում է Թուրքիայում գտնվող իր քաղաքացիներին խուսափել միայնակ փողոց դուրս գալուց

Միջազգային09:51, 06 Հուլիս 2015

Չինաստանը հորդորում է Թուրքիայում գտնվող իր քաղաքացիներին խուսափել միայնակ փողոց դուրս գալուց

Չինաստանի արտգործնախարարությունը մամլո հաղորդագրություն է տարածել, որով նախազգուշացնում է Թուրքիայում գտնվող չինացիներին՝ հեռու մնալ Թուրքիայում անցկացվող հակաչինական ցույցերից և հնարավորինս խուսափել միայնակ փողոց դուրս գալուց:

Ըստ Թուրքական «Cumhuriyet» պարբերականի՝ նախորդ տարվա պես, այս տարի էլ Չիաստանի կառավարությունն արգելել է Սինցզյան- Ույգուրյան ինքնավար շրջանի ( հայտնի է նաև որպես Արևելյան Թուրքիստան) մուսուլման բնակիչներին ծոմ պահել և այլ կրոնական ծեսեր իրականացնել, ինչից հետո Թուրքիայում սկիզբ են առել հակաչինական ցույցեր և վտանգավոր իրադրություն է ստեղծվել Թուրքիայում գտնվող չինացիների համար:

Մասնավորապես, աղբյուրը նշում է հունիսի 1-ին Ստամբուլի Թոփհանե շրջանում գտնվող «Happy China» չինական ռեստորանի վրա իրականցված հարձակումը: Ռեստորանը բացվել է ընդամենը վեց ամիս առաջ , այստեղի աշխատակիցները հիմնականում թուրքեր են, չինացի է միայն խոհարարը: Հունիսի 4-ին դարձյալ Արևելյան Թուրքիստանի համար քայլերթ կատարող մի խումբ թուրքեր հարձակվել էին կորեացի տուրիստների վրա՝ ենթադրելով, թե նրանք չինացիներ են:

Չինաստանի կառավարության կողմից վերոնշյալ արգելքի սահմանումից հետո Թուրքիայի արտգործնախարարությունը հանդես էր եկել հայտարարությամբ, որով իր մտահոգությունն էր հայտնել տեղի ունեցածի կապակցությամբ և տեղեկացրել, որ իրենք իրենց դժգոհությունն արդեն հայտնել են նաև Թուրքիայի չինական դեսպանատանը:

Չինաստանի արտգործնախարարության խոսնակ Հուա Չուն Յինգն ի պատասխան հավաստիացրել էր, որ իրենք կստուգեն թուրքական կողմի ստացած տեղեկությունը և հույս հայտնել, որ Չինաստանն ու Թուրքիան կարող են այս հարցում համաձայնության գալ:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: