Մահացել է Թուրքիայի 9-րդ նախագահ Սուլեյման Դեմիրելը

Տարածաշրջան06:53, 17 Հունիս 2015

Մահացել է Թուրքիայի 9-րդ նախագահ Սուլեյման Դեմիրելը

Այս գիշեր մահացել է 1993-2000 թվականներին Թուրքիայի նախագահի և տարբեր տարիներին 7 անգամ վարչապետի պաշտոնը զբաղեցրած Սուլեյման Դեմիրելը:

Ըստ թուրքական «Milliyet» թերթի կայքի` վերջին շրջանում Դեմիրելը հիվանդանոցային պայմաններում բուժման կուրսեր էր անցնում շնչուղիների, երիկամների ու սրտի անբավարարության դեմ:

Դեմիրելի անձնական բժիշկը մամուլի ներկայացուցիչներին հայտնել է, որ Թուրքիայի 9-րդ նախագահը կհուղարկավորվի ոչ թե Անկարայում, այլ ծննդավայր Ըսպարտայի նահանգի Իսլամքյոյ գյուղում` կնոջ կողքին: Բժիշկը հայտնել է նաև, ո մահը վրա է հասել հունիսի 17-ին ժամը 2-ի սահմաններում վերոնշյալ հիվանդությունների սրացման պատճառով:

Դեմիրելը ծնվել է 1924 թվականին: Վերջինս մեծ դերակատարություն է ունեցել Թուրքիայի Հանրապետության քաղաքական կյանքում: 1965-1993 թվականներին Դեմիրելը 7 անգամ կառավարություն է ձևավորել` ընդհանուր առմամբ 12 տարի զբաղեցնելով վարչապետի պաշտոնը: 1993 թվականին Թուրքիայի 8-րդ նախագահ Թուրգութ Օզալի մահից հետո ընտրվել է նախագահ և պաշտոնը զբաղեցրել մինչև 2000 թվականը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։