«Գորշ գայլերի» կուսակցությունը կոալիցիա կկազմի, բայց ոչ սեփական սկզբուքներից հրաժարվելու գնով

Քաղաքական07:51, 15 Հունիս 2015

«Գորշ գայլերի» կուսակցությունը կոալիցիա կկազմի, բայց ոչ սեփական սկզբուքներից հրաժարվելու գնով

Թուրքական«Գորշ գայլեր» ծայրահեղական խմբավորման քաղաքական թևը համարվող «Ազգայնական շարժում» կուսակցության (MHP-ԱՇԿ) նախագահ Դևլեթ Բահչելին կրկին խոսել է դեռևս իշխանական «Արդարություն և զարգացում» կուսակցության (AKP-ԱԶԿ) հետ միասին կառավարություն ձևավորելու հավանականության մասին:

ԱՇԿ նահանգային կառույցների ղեկավարների հետ հանդիպմանը կուսկացության նախագահը հայտարարել է, որ ԱՇԿ-ն բաց է բանակցությունների համար: Ըստ Բահչելիի՝ կան կոալիցիա կազմելու այլընտրանքային տարբերակներ, որոնք կյանքի չկոչվելու դեպքում վաղաժամ ընտրությունների անցկացումն անխուսափելի կլինի: Այս մասին տեղեկացնում է թուրքական «Sabah» պարբերականը:

Անդրադառնալով ԱԶԿ-ի հետ կոալիցիա կազմելուն՝ Բահչելին ասել է, համագործակցությունը հնարավոր է, բայց դրան հասնելու համար կան պայմաններ: «Կան մարդիկ, որոնք ցանկանում են որ հայտնվենք կառավարությունում ուլքուջուների (ԱՇԿ-ի ծայրահեղ ազգայանական երիտասարտական թևը) վերացումը կանխելու համար: Սակայն դրա համար մեր սկզբունքներից չենք կարող հրաժարվել, մեր պայմաններից չենք հրաժարվի»,-հայտարարել է Բահչելին:

Նա միևնույն ժամանակ նշել է, որ պատրաստ է հանդիպել ԱԶԿ նախագահ, երկրի վարչապետի պաշտոնակատար Ահմեթ Դավութօղլուն հետ, եթե վերջինս կոալիցիայի հարցով դիմի իրենց:

Հիշեցնենք, որ Թուրքիայում հունիսի 7-ին տեղի էին ունեցել խորհրդարանական ընտրություններ, որի ժամանակ ընտրական շեմը հաղթահարած 4 կուսակցություններից և ոչ մեկը չէր կարողացել խորհրդարանում բացարձակ մեծամասնություն ձևավորել, որը թույլ կտար միանձնյա կառավարություն ձևավորել:

Սահամանդրության համաձայն՝ առաջիկա 45 օրվա ընթացքում պետք է ձևավորել կոալիցիոն կառավարություն: Այժմ կոալիցիոն կառավարության շուրջ տրաբեր քննարկումներ են ընթանում: Հավանական տարբերականերից մեկն էլ համարվում է ԱԶԿ-ԱՇԿ համագործակցությունը:

Ընտրություններից մեկ օր հետո Բահչելին հայտրարել էր այն պայմանները, որոնց ընդունման դեպքում կմասնակցի կառավարության ձևավորմանը.

1. Հրաժարում նախագահական կառավարման համակարգին անցնելու մտքից:

2. Թուրքիայի վարչական բաժանման փոփոխություններ չպետք է լինեն:

3. Քրդական հարցի կարգավորման գործընթացը պետք է դադարեցվի:

Աղբյուր` Ermenihaber.am