Քաղաքական06:15, 12 Հունիս 2015
Քրդամետ կուսակցության համանախագահ. «Մենք Էրդողանի հետ անձնական թշնամություն չունենք»
Հունիսի 7-ին Թուրքիայում տեղի ունեցած խորհրդարանական ընտրությունների արդյունքում մեջլիսում 80 մանդատ ստացած քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) համանախագահ Սելահեթթին Դեմիրթաշը լրագրողների հետ հանդիպմանը խոսել է հնարավոր կոալիցիայի, թուրք-քրդական հարաբերությունների կարգավորման և այլ հարցերի մասին:
Դեմիրթաշը, անդրադառնալով ԺԴԿ-ի ու մինչև ընտրությունները երկիրը միանձնյա կառավարող «Արդարություն և զարգացում» կուսակցության (ԱԶԿ-AKP) հարաբերություններին, նշել է. «Մենք Էրդողանի հետ որևէ անձնական թշնամություն չունենք: ԱԶԿ-ի նկատմամբ որևէ անձնական ատելություն չենք զգում»,- շեշտել է Դեմիրթաշը:
Դեմիրթաշը հայտարարել է, որ կոալիցիա կազմելու խնդրով իրենք դեռ որևէ մեկի հետ բանակցություններ չեն վարել` ավելացնելով, որ այդ հարցի շուրջ պատրաստ են բանակցելու բոլորի հետ, բացի ԱԶԿ-ից:
Խոսելով հաշտության գործընթացի (թուրք-քրդական) բանակցություններից` Դեմիրթաշն ասել է, որ այժմ հասել է երկկողմանի քայլեր անելու փուլը և ԺԴԿ-ն պատրաստ է գործընթացը շարունակել այս փուլից:
«Եթե զենքը վայր դնելու կոչ պիտի արվի, ապա այդ հարցով պետք է պարոն Օջալանի հետ խոսել: Իսկ Օջալանը պատրաստ սպասում է կղզում»,- եզրափակել է ԺԴԿ-ի քուրդ համանախագահը:
Հիշեցնենք, որ քրդերի առաջնորդ Ափոն (Աբդուլլահ Օջալան) ցմահ բանտարկյալի կարգավիճակով գտնվում է Իմրալը կղզում:
Այս ենթաբաժնի վերջին նորությունները
Նա հայտարարել է, որ խոստումների իրականացմանը հետևելու է թուրքական Ազգային հետախուզական ծառայությունը:
Թուրքիայի նախագահը պատմական և օրինակելի է որակել Սիրիայի նկատմամբ պատժամիջոցների վերացման մասին Թրամփի որոշումը:
Թրամփը հայտարարել է, որ վերացվելու են Սիրիայի դեմ կիրառված պատժամիջոցները՝ հավելելով, որ այդ խնդրանքով իրեն դիմել էր Էրդողանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |