Քաղաքական08:33, 12 Հունիս 2015
Թուրքիայի գլխավոր ընդդիմադիրը հավակնում է վարչապետի պաշտոնին
Հունիսի 7-ին Թուրքիայում կայացած խորհրդարանական ընտրությունների արդյունքում մեջլիս անցած չորս ազդեցիկ կուսակցություններից ոչ մեկը մեծամասնություն չկարողացավ կազմել, ինչի հետևանքով նոր կառավարություն ձևավորելու համար կոալիցիայի անհրաժեշտություն կլինի:
Թուրքական «HaberTurk» լրատվակայքի հավաստմամբ՝ գլխավոր ընդդիմադիր ուժ համարվող քեմալիստների ձախակենտրոն «Ժողովրդահանրապետական կուսակցությունը» (ԺՀԿ-CHP), ամենայն հավանականությամբ, կոալիցիայի անդամ կլինի կուսակցությունների ցանկացած համադրության դեպքում: Ըստ աղբյուրի՝ ԺՀԿ-ի ղեկավար Քեմալ Քըլըչդարօղլուն հունիսի 15-ին հատուկ կուսակցական ժողով է գումարելու, որի ընթացքում քննարկվելու են կոալիցիայի հավանական տարբերակներն ու այդ կոալիցիային իրենց մասնակցության պայմաննները: Նշվում է, որ ցանկացած այլ կուսակցության հետ համագործակցելու դեպքում ԺՀԿ-ն առաջադրելու է հետևյալ պայմանները.
- Առաջնային պայմանը լինելու է Քըլըչդարօղլուի վարչապետ դառնալը: Նա պետք է երկու տարի պաշտոնավարի որպես վարչապետ: Ինչպես նաև՝ նրա նախագահությամբ պիտի ստեղծվի նոր կառավարությունը:
- Խորհրդարանի նախագահի պաշտոնը պետք է տրվի ԺՀԿ-ին:
- Արդարադատության, ազգային կրթության, աշխատանքի նախարարները անպայման ԺՀԿ-ից պետք է ընտրվեն:
-Կոալիցիա ձևավորելիս կուսակցություններին պետք է հավասար քանակով նախարարություններ տրվեն՝ անկախ կուսակցությունների մեծ կամ փոքր լինելուց:
-Գործադիրը պետք է այևս չմիջամտի օրենսդիր մարմնի գործունեությանը:
-Նախկին 4 նախարարների գործով հետաքննության համար հատուկ հանձնաժողով պետք է ստեղծվի:
-Եթե կոալիցիայի անդամ դառնա «Ազգայնական շարժում կուսակցությունը» (ԱՇԿ-MHP), ապա նրան կտրամադրվեն նախարարություններ և փոխվարչապետների պաշտոնները:
-Անհրաժեշտության դեպքում կարելի է ԱՇԿ-ին թողնել խորհրդարանի նախագահի պաշտոնը, իսկ որոշ խորհրդարանական հանձնաժողովների ղեկավարությունը՝ «Ժողովուրդների դեմոկրատական կուսակցությանը» (ԺԴԿ - HDP):
-Պետք է կյանքի կոչվեն նշյալ երեք կուսակցությունների նախընտրական խոստումները՝ նվազագույն աշխատավարձի, կենսաթոշակների և այլ խնդիրների հետ կապված:
Այս ենթաբաժնի վերջին նորությունները
Թուրքիայի արտաքին գործերի նախարարության մամուլի խոսնակն անդրադարձել է Իրաքի Քիրքուկ քաղաքում տեղի ունեցող զարգացումներին։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:
Ընդհանուր առմամբ Թուրքիայի ընտրողների 36.6%-ը իրեն քեմալիստ է համարում, 16․4%-ը՝ ազգայնական, 9․7%-ը՝ իսլամական:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |