«Guardian»-ը Էրդողանին կոչ է արել ներողություն խնդրել անհիմն մեղադրանքների համար

Միջազգային08:03, 10 Հունիս 2015

«Guardian»-ը Էրդողանին կոչ է արել ներողություն խնդրել անհիմն մեղադրանքների համար

Անգլիական «Guardian» պարբերականը Թուրքիայի նախագահ Ռեջեփ Թայիփ Էրդողանին կոչ է արել ներողություն խնդրել թերթի հասցեին արված անհիմն մեղադրանքների համար:

Տպագրված հոդվածում նշվում է, որ Էրդողանը սիրում է Թուրքիայում զանգվածային լրատվական միջոցներին պատժել: Որպես օրինակ բերվում է ընդդիմադիր «Cumhuriyet» թերթի գլխավոր խմբագրի Ջան Դյունդարին լրտեսության մեջ մեղադանքը, լրագրող Մեհմեթ Բարանսուին 52 տարվա բանտարկության պահանջով անցկացվող դատը: Հիշեցվում է, որ Թուրքիան մամուլի ազատության ցուցանիշով 180 երկների շարքում գրավում է 149-րդ տեղը: Ըստ անգլիական թերթի՝ Էրդողանը հարձակվում է նաև արտասահմանյան ԶԼՄ-ների վրա, ինչպես օրիանկ գերմանական «Die Zeit»-ի, ամերիկյան «New York Times»-ի և անգլիական «Times»-ի:

«Guardian»-ը հիշեցրել է նախընտրական շրջանում Արդահանում Էրդողանի ելույթի ժամանակ թերթի հասցեին հնչեցրած խոսքերը. «Տեսեք, թե ինչ է ասում անգլիական թերթը: Չի կարելի թույլ տալ, որ աղքատ մահեմդականները, որոնք ամբողջապես չեն դարձել արևմտյան արժեքների կրող, ինքնուրույն ղեկավարեն իրենց երկրները: Ո՞վ ես դու, անդաստիարակ: Չափդ ճանաչի՛ր»:

Հերքելով Էրդողանի այս խոսքերը և դրանք ստոր սուտ որակելով` թերթը նշում է, որ այդպիսի բան ոչ գրվել է, ոչ էլ ասվել, միաժամանակ մեջբերելով նախորդ համարում Թուրքիայի ընտրությունների վերաբերյալ հոդվածի այն հատվածը, որին վերաբերում էին Էրդողանի խոսքերը: Այդ հատվածում գրված է. «Իշխող կուսակցության ընտրազանգվածը բաղկացած է հիմնականում թուրք հասարակության աղքատ, քիչ արևմտականացված և ավելի հավատացյալ հատվածներից: Կուսակցությունը չի կարողացել կապ հաստատել քաղաքներում բնակվողների և ավելի երիտասարդ ընտրազանգվածի հետ»:

Ըստ «Guardian»-ի` այս բառերը հավանաբեր խեղաթյուրվել են նախագահին մոտ կանգնած ինչ-որ լրագրողի կողմից, մյուսներն էլ, հիմնվելով այդ խեղաթյուրված տարբերակի վրա, այն տարածել են և աղմուկ բարձրացրել սոցիալական ցանցերում: Էրդողանն էլ այդ տեղեկություններն առաց ստուգելու արտահայտել է Արդահանում ելույթի ժամանակ և այդպիսով սուտը դարձել է քարոզչություն:

Թերթը նկատում է, որ երբ ինչ-որ սխալ է լինում, պետք է անհապաղ դա նկատել և ուղղել, իսկ շատ լուրջ դեպքերում անհրաժեշտ է ներողություն խնդրել: «Պարոն Էրդողանը և՛ բառերն է սխալ ընտրել, և՛ իրականության մասին խոսելիս կոպիտ սխալ է արել: Գուցե և ներողություն խնդրի»,-գրված է հոդվածում:

Աղբյուր` Ermenihaber.am