Թուրքիան Բրազիլիայից հետ է կանչել իր դեսպանին խորհրդակցություն անցկացնելու համար

Ցեղասպանություն06:06, 09 Հունիս 2015

Թուրքիան Բրազիլիայից հետ է կանչել իր դեսպանին խորհրդակցություն անցկացնելու համար

Բրազիլիայում Թուրքիայի արտակարգ և լիազոր դեսպան Հուսեին Դինյոզը խորհրդակցությունների նպատակով հետ է կանչվել Անկարա: Այս մասին տեղեկանում ենք Թուրքիայի արտգործնախարարության կայքում հրապարակված պաշտոնական հաղորդագրությունից:

Որպես դեսպանի հետկանչի պատճառ` նշվում է 1915-ի վերաբերյալ Բրազիլիայի սենատի ընդունած որոշումը:

«Բրազիլիայի սենատի` 1915-ին տեղի ունեցած դեպքերի վերաբերյալ ընդունած հակապատմական և հակաիրավական որոշումը դիտում ենք որպես անպատասխանատվության դրսևորում և դատապարտում այն»,- ասված է նախարարության պաշտոնական հայտարարությունում:

Թուրքիայի արտաքին քաղաքական գերատեսչությունը սենատի ընդունած որոշումը վերագրում է հայկական լոբբիստական ուժերի ազդեցությանը:

Տեղեկացվում է նաև, որ հունիսի 3-ին Անկարայում Բրազիլիայի արտակարգ և լիազոր դեսպանը հրավիրվել է Թուրքիայի արտգործանախարարություն և իրազեկվել այդ հարցում Անկարայի ունեցած դիրքորոշման մասին:

Հիշեցնենք, որ 2010 թվականից մինչև օրս Թուրքիան դիվանագիտականկապերը խզել է ընդհանուր առմամբ 8 երկրների՝ Սիրիայի, Եգիպտոսի, Իսրայելի, Լիբիայի, Եմենի, Վատիկանի, Ավստրիայի և Լյուքսեմբուրգի հետ:

Աղբյուր` Ermenihaber.am

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։