Միջազգային մամուլը՝ Թուրքիայի խորհրդարանական ընտրությունների մասին

Միջազգային09:57, 08 Հունիս 2015

Միջազգային մամուլը՝ Թուրքիայի խորհրդարանական ընտրությունների մասին

Միջազգային մամուլը լայնորեն անդրադարձել է հունիսի 7-ին Թուրքիայում տեղի ունեցած խորհրդարանական ընտրություններին, որի արդյուքնում ձևավորվել է 25-րդ գումարման ազգային ժողովը:

Թուրքական «Haberturk» լրատվակայքի տեղեկացմամբ՝ ընտրությունների վերաբերյալ արտմամուլում հետևյալ մեկնաբանություններն են արվել:

BBC
«Երևում է, որ այս ընտրությունները վերջ կտան ԱԶԿ-ի՝ 13 տարի տևած միակուսակցական իշխանությանը և տակնուվրա կանեն նախագահ Ռեջեփ Թայիփ Էրդողանի՝ սեփական իրավասություններն ընդլայնելու ծրագրերը»:

Ֆրանսիական Agence France Press լրատվական գործակալություն
«Համաձայն հեռուստաեթերի՝ «Արդարություն և զարգացում կուսակցությունը (ԱԶԿ-AKP) առաջատար է, բայց խորհրդարանում կորցնում է մեծամասնությունը: «Ժողովուրդների դեմոկրատական կուսակցությունը» (ԺԴԿ-HDP) հատում է նվազագույն շեմը (10%): Իսկ դա նշանակում է, որ ԱԶԿ-ն իր իշխանության գալուց (2002թ.) ի վեր առաջին անգամ հարկադրված է լինելու կոալիցիա կազմել»:

Ամերիկյան «Associated Press» լրատվական գրծակալություն
«Համաձայն Թուրքիայի ընտրությունների նախնական արդյունքների՝ ընտրողները չեն ցանկանում, որ իշխող կուսակցությունը սահմանադրական փոփոխություններ անի: Արդյունքները ցույց են տալիս, որ Թուրքիայի իշխող կուսակցությունը կկորցնի է մեծամասնությունը խորհրդարանում»:

Բրիտանական «The Guardian» պարբերական
«Ռեջեփ Թայիփ Էրդողանի՝ «Արդարություն և զարգացում կուսակցությունը 2011թ. իր ստացած 49 տոկոս ցուցանիշից հետընթաց է ապրել՝ հասնելով 41 տոկոսի»:

Գերմանական ZDF հեռուստատեսություն
«Արդարություն և զարգացում կուսակցությունը» և երկրի նախագահ Ռեջեփ Թայիփ Էրդողանը ստիպված են կոալիցիա ստեղծել ընդդիմադիր կուսակցությունների հետ: Էրդողանի նախագահական համակարգը դժվարին կացության մեջ է»:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: