Միջազգային13:22, 05 Հունիս 2015
«Իսլամական պետություն» ահաբեկչական կազմակերպությունը թուրքալեզու ամսագիր է հրատարակել
«Իսլամական պետություն» (ԻՊ) ահաբեկչական կազմակերպությունը համացանցում «Mustaqim.net» կայքի միջոցով հրապարակել է «Konstantiniyye» (Կոստանդնուպոլիս) անվանումով իր առաջին թուրքերեն ամսագիրը: Ամսագիրը հրատարակվել է «ԻՊ»-ի հետ համագործակցող «Էլ հայաթ մեդիա»-ի (El Hayat Medya) կողմից:
Ըստ «CNN Turk» լրատվական ծառայության` ամսագրում բոլոր մուսուլմաններին` ի դեմս թուրքերի և քրդերի, հրավիրվում է համալրել «ԻՊ»-ի շարքերը: 46 էջանոց ամսագրում, որտեղ տեղեկություններ են հաղորդվում առ այսօր ահաբեկչական կազմակերպության իրականացրած և ապագայում իրականացվելիք գործողություններ մասին, կոչ է արվում բոյկոտել հունիսի 7-ին Թուրքիայում անցկացվելիք խորհրդարանական ընտրությունները:
Ամսագրի նախաբանում Թուրքիայի մասով որպես «ԻՊ»-ի գլխավոր նպատակ է նշվում Ստամբուլի գրավումը: Այդ գաղափարն ավելի մանրամասնորեն պարզաբանվում է «Ստամբուլի գրավումը» վերնագրով հոդվածում:
«Ինչպես բոլոր բռնակալությունների, Ձեր վերջը նույնպես մոտենում է: Այս թեմայով ամենամեծ բանը, որ ուզում ենք Աստծուց, այն է, որ մեզ վրա բռնություն գործադրողներին մեր ձեռքերով պատժենք: Մեծն Աստծուց (ալլահից) խնդրում ենք, որ մեզ Ստամբուլի և մնացած վայրերի գրավման հետ կապված ավետիսը հայտնելու հնարավորություն տա»,- նշվում է հոդվածում:
Ամսագրում կա հոդված ժողովրդավարության և իսլամի անհամատեղելիության մասին, որտեղ նշվում է, որ դրանք տարբեր բաներ են և չի կարելի որևէ կրոն կամ փիլիսոփայություն կապել իսլամի հետ:
Ամսագրում խոսվում է նաև Սպիտակ տունը, Բիգ Բենը և Էյֆելյան աշտարակը պայթեցնելու մասին:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |