Միջազգային07:49, 02 Հունիս 2015
WAN–IFRA. Թուրքիան լրագրողական բանտի է վերածվել
Վաշինգտոնում կայացել է «Թերթերի եւ նորությունների հրատարակիչների համաշխարհային ասոցիացիայի» (WAN – IFRA)՝ ամենամյա համաժողովը, որի բացումը սկսվել է Թուրքիայի մամուլի ազատության խնդիրների քննարկումով:
Թուրքական «Hürriyet» պարբերականի փոխանցմամբ՝ Եվրոպական WAN – IFRA կազմակերպությունը զբաղվում է մամուլի ազատության, զարգացող երկրներում անկախ մեդիայի ապահովման և մեդիայի համար նոր աշխատանքային մոդելներ մշակելու աշխատանքներով:
Համաժողովին բացման խոսքով հանդես եկած WAN IFRA-ի նախագահ Թոմաս Բրունենգարդը հայտարարել է, որ Թուրքիան վերածվել է լրագրողական բանտի: Բրունենգարդը, որը միաժամանակ Շվեդիայի «Թերթեր հրատարակողների ասոցիացիայի» նախագահն է, թվարկելով այն երկրները, որտեղ լրագրողները խոսքի ազատության սահմանափական խնդրի հետ են բախվում, նշել է նաև Հյուսիսային Կորեան և Թուրքիան՝ որպես բռնատիրական իշխանության կողմից մամուլի վրա ճնշում գործադրող երկրներ:
«Թուրքիայի մամուլի ազատությունն անհանդուրժող ղեկավարի ճնշման տակ հետընթաց է ապրում: Թուրքիան վերածվել է մեծագույն լրագրողական բանտի»,- ասել է Բրունենգարդը:
Վերոհիշյալ համաժողովի շրջանակներում նաև իրականացվել է ամենամյա «Ոսկե գրիչ» մրցանակաբաշխությունը, որն այս տարի շնորհվել է իրենց մասնագիտական աշխատանքը կատարելիս իրենց կյանքը զոհած լրագրողներին: Նշվել է, որ աշխարհում 1992-2015թթ. իրենց մասնագիտական պարտքը կատարելու ընթացքում զոհվել է 1127 լրագրող: Այնուհետև կազմակերպվել է զոհված լրագրողների լուսանկարների ցուցադրություն:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |