Բելգիայի խորհրդարանի թուրք պատգամավորը Հայոց ցեղասպանությունը ժխտելու համար հեռացվել է կուսակցությունից

Ցեղասպանություն07:51, 30 Մայիս 2015

Բելգիայի խորհրդարանի թուրք պատգամավորը Հայոց ցեղասպանությունը ժխտելու համար հեռացվել է կուսակցությունից

Բելգիայի խորհրդարանի պատգամավոր և «Humanist Democratic Centre (HDC) կուսակցության անդամ ազգությամբ թուրք պատգամավոր տկն Մայինար Օզդեմիրը հեռացվել է կուսակցության շարքերից:

Ինչպես տեղեկացնում է թուրքական «Haberler» լրատվականը, հեռացման պատճառը եղել է Հայոց ցեղասպանության փաստի ժխտումը: Միջանկյալ նշենք, որ Բելգիան Հայոց ցեղասպանությունը օրենսդրորեն ճանաչած և դատապարտած պետություններից է:

Օզդեմիրը հրաժարվելով ճանաչել Հայոց ցեղասպանությունը, դժգոհություն է առաջացրել կուսակցության մյուս անդամների շրջանում: Բացի այդ նշվում է, որ, ժխտելով Հայոց ցեղասպանության եղելությունը, թուրք պատգամավորն այդպիսով խախտել է կուսակցության կանոնադրությունը:

Օզդեմիրն իր այդ սկանդալային վարքագծով հայտնվել է մի շարք լրատվամիջոցների ուշադրության կենտրոնում: Մասնավորապես ֆրանսիական մի շարք լրատվականներ արդեն իսկ սպասում են Օզդեմիրի մեկնաբանություններին, թեմայի հետ կապված:

Հավելենք, որ Օզդեմիրը նշյալ կուսակցությանն անդամագրվել է 2009 թվականին: Ի դեպ, նա գլխաշորով առաջին կին պատգամավորներ է Բելգիայի խորհրդարանում:

Աղբյուր` Ermenihaber.am

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։