Թուրքիայում սոցիալական տրավմաների համատեքստում քննարկվելու է Հայոց ցեղասպանությունը

Ցեղասպանություն09:23, 28 Մայիս 2015

Թուրքիայում սոցիալական տրավմաների համատեքստում քննարկվելու է Հայոց ցեղասպանությունը

Թուրքիայում մեկնարկելու է «Զրույցներ սոցիալական տրավմաների շուրջ» խորագրով սեմինարների շարք, որի կազմակերպիչը «Տրավմաներին ուղղված աշխատանքներ» միությունն է: Ըստ թուրքական «Birgun» լրատվակայքի` միության նախագահ Այդըն Յըլդըրըմը նշել է, որ նմանօրինակ սեմինարների անցկացումը կարևոր նշանակություն ունի հասարակության լայն զանգվածների համար:

Յըլդըրըմը նաև տեղեկացրել է, որ սեմինարների շրջանակներում առաջին զրույցը լինելու է Հայոց ցեղասպանության վերաբերյալ և ընթանալու է «Առերեսվիր 1915թ.-ի հետ» խորագրի ներքո: Զրույցը վարելու են Յեշիլքյոյի հայկական տարրական դպրոցի տնօրեն, հոգեբան Մուրադ Փաքերը և քրդամետ «Ժողովուրդների դեմոկրատական կուսակցության» (HDP-ԺԴԿ) պատգամավորի թեկնածու, հայկական ծագումով Թուրքիայի քաղաքացի Գարո Պայլանը:

Վերնոշյալ խորագրով զրույցը տեղի է ունենալու այսօր երեկոյան Ստամբուլի Բեյօղլի թաղամասում:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։