Հայկական հարցի վերաբերյալ ժխտողական հոդվածների հերթական ժողովածուն Թուրքիայում

Ցեղասպանություն07:58, 26 Մայիս 2015

Հայկական հարցի վերաբերյալ ժխտողական հոդվածների հերթական ժողովածուն Թուրքիայում

Ստամբուլի քաղաքապետարանի մշակութային հարցերով կազմակերպությունը հրատարակել է «Հայ-թուրքական հարաբերությունները տարաբնակեցման և վերաբնակեցման 100-րդ տարելիցին» վերնագրով ժողովածու, որտեղ ներկայացված են Հայկական հարցով զբաղվող թուրք ակադեմիկոսների թեզերը:

Ըստ թուրքական իշխանամետ «yeniakit» լրատվամիջոցի` գրքում ներկայացվում են 18 հեղինակների տեսակետները հայ-թուրքական հարաբերություններում առկա խնդիրների առաջացման ու դրանց լուծումների վերաբերյալ:

Գրքում անդրադարձ է կատարվում նաև Օսմանյան կայսրության կողմից 1839 և 1856 թվականներին ընդունված փոքրամասնություններին առնչվող բարեփոխումների ծրագրերին և դրանց ընդունման գործում Եվրոպական պետությունների ունեցած դերին:

Գրքում զետեղված հոդվածներում ներկայացվում են Օսմանյան պետությանը հայերի մատուցած ծառայությունները, սակայն այդ ամենի հետ մեկտեղ խոսվում է նաև հայկական մշակույթում եղած իսլամական «ազդեցությունների» մասին: Չեն շրջանցվում նաև հայկական վրիժառուական գործողությունները` դրանք ներկայացվելով իբրև «ահաբեկչություն»:

Հոդվածների ժամանակագրությունը ներառում է մինչև հայ-թուրքական արձանագրությունների ու այսպես կոչված խաղաղության դիվանագիտության կիրառումը:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։