Գերմանիայի Կանաչների կուսակցությունը խնդրել է աջակցել Թուրքիայի քրդամետ կուսակցությանը

Միջազգային08:43, 21 Մայիս 2015

Գերմանիայի Կանաչների կուսակցությունը խնդրել է աջակցել Թուրքիայի քրդամետ կուսակցությանը

Գերմանիայի «Դաշինք 90/ Կանաչներ» կուսակցությունը Գերմանիայում բնակվող Թուրքիայի քաղաքացիներին կոչ է արել Թուրքիայում հունիսի 7-ին անցկացվելիք խորհրդարանական ընտրություններում ձայն տալ քրդամետ «Ժողովուրդների դեմոկրատական» կուսակցությանը (HDP-ԺԴԿ): «Դաշինք 90/ Կանաչներ» կուսակցությունը ԺԴԿ-ին աջակցող հայտարարությունը գերմաներեն, թուրքերեն և քրդերեն լեզուներով հրապարակել է իր պաշտոնական կայքում:

Թուրքական «ensonhaber.com» կայքի հաղորդմամբ` հայտարարությունն իր թվիթերյան էջում տեղադրել է նաև Բունդեսթագի պատգամավոր, «Դաշինք 90/ Կանաչներ» կուսակցության համանախագահ ազգությամբ թուրք Ջեմ Օզդեմիրը:

Օզդեմիրի կողմից տարածված հայտարարության մեջ Թուրքիայի մեջլիսում ԺԴԿ-ի ներկայությունը որակվում է որպես բացառիկ շանս քրդերի հետ հաշտեցման գործընթացի շարունակման և երկրի ժողովրդավարացման տեսնկյունից:

Հայատարարության մեջ գերմանական կուսակցության անունից բոլոր գերմանաբնակ թուրք քաղաքացիներին խնդրվում է վերջինների համար Գերմանիայում կազմակերպվող քվեարկության ժամանակ քվեարկել քրդական կուսակցության օգտին: Միաժամանակ նշվում է, որ Թուրքիայում գործող իրենց եղբայրական «Կանաչների և ձախ ապագայի» կուսակցությունը ևս աջակցում է քրդական կուսակցությանը և ընտրություններին մասնակցում է ԺԴԿ-ի հետ միասին:

Նշենք, որ Բունեսթագում ներկայացված «Դաշինք 90/ Կանաչներ» կուսակցության համանախագահ ազգությամբ թուրք Ջեմ Օզդեմիրը բազմիցս հանդես է եկել Հայոց ցեղասպանության դատապարտման օգտին և Թուրքիային կոչ արել ճանաչել այն:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: