Թուրք հաքերները հարձակվել են գերմանական պետական կայքերի վրա

Միջազգային08:08, 18 Մայիս 2015

Թուրք հաքերները հարձակվել են գերմանական պետական կայքերի վրա

«Hack Team» անվանումով թուրքական հաքերների խումբը նախօրեին հարձակումներ է գործել գերմանական մոտ 300 պետական կայքերի վրա: Ըստ թուրքական «İhlas» լրատվական գործակալության` թուրք հաքերներին հաջողվել է մի քանի ժամով խաթարել կայքերի հասանելիությունը: Նշվում է, որ կայքերի շարքում են եղել Գերմանիայի գաղտնի ծառայությունների, կենտրոնական բանկի, կրթության նախարարության և Գերմանական անկախ կաթոլիկ լրատվական պորտալի կայքը:

Խմբի անունից տարածված հայտարարության մեջ նշվել է, որ Հայոց ցեղասպանությունը ճանաչած երկրներին պատկանող ինտերնետային կայքերի վրա հարձակումները շարունակվելու են:

Հայտարարության մեջ մեջբերվել է նաև Թուրքիայի նախագահ Ռեփեջ Թայիփ Էրդողանի հետևյալ արտահայտությունը. «Պատմությունն չպետք է էժան քաղաքական խաղերի գործիք դառնա, այն պետք է թողնել պատմաբաններին»:

Նշենք, որ ավելի վաղ նույն հաքերների խումբը հարձակումներ էր գործել Ավստրիական, իսկ դրանից առաջ էլ հայկական կայքերի վրա:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: