Միջազգային11:30, 11 Մայիս 2015
Թուրքերը խոչնդոտել են վենետիկյան բիենալեում այն գրքույկի տարածումը, որում տեղ է գտել «Հայոց ցեղասպանություն» եզրը
Մայիսին մեկնարկած 56-րդ վենետիկյան միջազգային բիենալեի թուրքական տաղավարում հայազգի արվեստագետ Սարգիսը ներկայացնում է «Respiro» («Շունչ») խորագրով ցուցադրությունը: Թուրքական «Cumhuriyet» պարբերականի վկայությամբ՝ այդ ցուցադրության մասին անգլերեն և թուրքերեն տարբերակներով պատրաստված գրքույկը ճգնաժամի պատճառ է հանդիսացել: Կատալոգում, որը պետք է բաժանվեր ցուցադրության բացման օրը՝ մայիսի 7-ին, ներառված է եղել Ռաքել Դինքի հեղինակած հոդվածը:
Այդ հոդվածում տեղ գտած «Հայոց ցեղասպանություն» արտահայտության պատճառով էլ կատալոգն արգելվել է, քանի որ ցեղասպանության հիշատակումը քննադատության է արժանացել ցուցադրության հովանավոր Թուրքիայի ԱԳՆ-ի և Մշակույթի նախարարության, ինչպես նաև թուրքական տաղավարին աջակցողների կողմից:
Նշենք, որ Ռաքել Դինքն իր հոդվածում հիշատակում է ամուսնու՝ 2007թ Թուրքիայում սպանված հայ լրագրող Հրանտ Դինքի մասին:
«Սա անչափ մեծ վիշտ է: 1915թ Հայոց ցեղասպանության վիշտը, բոլոր անգերեզման և անհիշատակ կորուստների վիշտը միավորվեցին և վիշտն էլ ավելի անսահման դարձավ»:
Սարգիսն ու ցուցադրության համակարգող Դեֆնե Այասը գտել են այլընտրանքային տարբերակ. նրանք չբաժանված գրքույկները ցուցադրության են հանել Վենետիկում՝ ուղղահայաց կանգնեցված մի «դագաղի» մեջ՝ այդպիսով արտահայտելով իրենց բողոքը գրաքննության դեմ:
Այս ենթաբաժնի վերջին նորությունները
Ունալ Ուսթելը նշել է, որ ցանկանում են ամրապնդել մեր հարաբերությունները ոչ միայն Ադրբեջանի, այլև մյուս անդամ երկրների հետ։
Թուրքիայի ծայրահեղ աջ սուննի իսլամիստական «Մեծ միություն» (BBP) կուսակցության նախագահ Մուստաֆա Դեսթիջին անդրադարձել է Իսրայել-Իրան հակամարտությանը։
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |