Ցեղասպանություն12:29, 06 Մայիս 2015
Թուրքերը համացանցում հետևել են ցեղասպանության թեմային
Թուրքիայի ռազմարդյունաբերության խորհրդին կից տեխնոլոգիաների բաժինը համացանցում Հայոց ցեղասպանության 100-րդ տարելիցի շուրջ քարոզչության վերաբերյալ վերլուծություն է կազմել, որում ընդգրկվել են Twitter-ում արված գրառումները, դրանց աղբյուրները և առաջացրած զգացմունքային ազդեցությունը: Թուրքական «Haber3» կայքը տեղեկացնում է, որ այդ զեկույցը կազմելու համար հատուկ խումբ է ստեղծվել:
Նախ ապրիլի 18-28-ն ընկած ժամանակահատվածում հավաքվել են Twitter-ում Հայոց ցեղասպանության վերաբերյալ արված անգլերեն և թուրքերեն գրառումները: 10 օրվա կատրվածքով հավաքված տվյալների հիման վրա արվել է տրամադրությունների և զգացմունքների վերլուծություն և կազմվել դրանց գրաֆիկան՝ ըստ ժամանակային փոփոխման:
Այսպես ըստ հիշյալ զեկույցի` ապրիլի 23-ին ԱՄՆ նախագահ բարաք Օբամայի ուղերձը բացասական զգացումներ է առաջացրել: Ապրիլի 24-ին Գերմանիայի նախագահի, Հայաստանում ցեղասպանության 100-րդ տարելիցին նվիրված միջոցառմանը մասնակող Ֆրանսիայի նախագահ Ֆրանսուա Օլանդի և Ռուսաստանի նախագահ Վլադիմիր Պուտինի հայտարարությունները նույնպես բացասական զգացողություններ են առաջացրել:
Նշվում է, որ Twitter-ում ցեղասպանության համար համակարգված քարոզչություն է իրականացվել: Պարզվել է, որ Հայոց ցեղասպանության թեման սատարող, հատկապես արտերկրից արվող թվիթերյան գրառումները համակարգված կերպով կազմակերպվել են որոշակի կենտրոններից և կայքերից, իսկ Twitter-ում առաջին երկու հորիզոնականները զբաղեցնող #ArmenianGenocide ile #1915NeverAgain հեշթեգերը առաջին տեղերում պահելու համար համակարգված աշխատանք է տարվել:
Աշխարհի տարբեր վայրերից Հայոց ցեղասպանությանն վերաբերյալ գրառումներ անող թվիթերյան հաշիվները ապրիլի 24-ից հետո կամ փակվել են կամ միանգամից պասիվացել, իսկ նման շատ հաշիվներ բացվել էին ապրիլի 24-ից անմիջապես առաջ:
Մեկ այլ ուշագրավ հանգամանք, որն արձանագրվել է վերլուծության մեջ այն է, որ Գալիպոլիի (Դարդանել) ռազմական գործողությունների 100-րդ տարվան նվիրված միջոցառումների մասին սոցցանցերում ավելի քիչ է խոսվել, քան ցեղասպանության մասին: Ցեղասպանության վերաբերյալ գրառումները գրավել են առաջին 5 հորիզոնականը, իսկ Գալիպոլին` 6-րդ տեղը:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |