60 տարի անց Թուրքիայի հայ քաղաքացին հնարավորություն ունի պատգամավոր ընտրվելու

Տարածաշրջան07:35, 06 Մայիս 2015

60 տարի անց Թուրքիայի հայ քաղաքացին հնարավորություն ունի պատգամավոր ընտրվելու

Թուրքիայում իշխող «Արդարություն և զարգացում» կուսակցության (ԱԶԿ – AKP) կողմից առաջիկա խորհրդարանական ընտրություններում պատգամավորի թեկնածու առաջադրված Թուրքիայի ազգությամբ հայ քաղաքացի Մարգար Եսայանը հանդիպել է Ստամբուլի իր կուսակիցների հետ:

Ըստ թուրքական «Hurriyet» պարբերականի՝ Եսայանը նշել է, որ 60 տարի անց Թուրքիայի հայ քաղաքացին հնարավորություն ունի պատգամավոր ընտրվելու և դա ԱԶԿ-ի շնորհիվ է:

Եսայանը հավելել է, որ հենց ԱԶԿ-ն հիմք հանդիսացավ, որպեսզի Թուրքիայի այլ քաղաքական ուժեր ևս իրենց շարքերում ընդգրկեն հայ թեկնածուների` ակնարկելով ընդդիմադիր «Ժողովրդահանրապետական կուսակցությանը» ( CHP-ԺՀԿ) և «Ժողովուրդների դեմոկրատական կուսակցությանը»:

Եսայանը, կարևորելով հայ թեկնածուների առաջդրումը, փաստել է, որ դա մեծ հաշվով ԱԶԿ-ի հաղթանակն է, որը նման քայլով կոտրվել են Թուրքիայում առկա բազմաթիվ կարծատիպեր:

«Սա ցույց է տալիս, թե որքան արագ է Թուրքիան կարգավորվում, որքան արագ են փոփոխվում և ազատվում տաբու համարված թեմաները: Սա ԱԶԿ-ի ձեռքբերումն է: Մենք աշխատանքներ ենք տանում ոչ միայն հայկական, այլ նաև մյուս համայնքներում: ԱԶԿ-ի նկատմամբ շատ մեծ համակրանք կա»,- Թուրքիայի իշխանական կուսակցությանը գովերգել է պատգամավորի հայ թեկնածուն:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։