Միջազգային08:13, 28 Ապրիլ 2015
Թուրքիան Վատիկանին խաղաղության ժեստ է արել
Թուրքիայի Էկոնոմիկայի փոխնախարար Ադնան Յըլդըրըմը հրավիրել է Հռոմի Պապ Ֆրանցիսկոս Առաջինին և Վատիկանի պատվիրակությանը «Expo 2015» ցուցահանդեսի շրջանակներում այցելել Թուրքիայի տաղավար: Ըստ թուրքական «Cumhuriyet» լրատվական կայքի՝ իտալական մամուլը Թուրքիայի այս քայլը բնորոշել է որպես Վատիկանին ուղղված խաղաղության ժեստ:
Նշվում է, որ Վատիկանն արդեն դրական պատասխանել է տվել Թուրքիայի հրավերին և այս տարի Միլանում անցկացվելիք ցուցահանդես-վաճառքի ժամանակ կայցելի Թուրքիայի տաղավար:
Ադնան Յըլդըրըմը, պատասխանելով լրագրողների հարցերին, ասել է, որ Պապին մեծ գոհունակությամբ կհյուրընկալեն Թուրքիայի տաղավարում: «Եթե անգամ Պապն անձամբ էլ չգա, կարող ենք Վատիկանի պատվիրակությանը հյուրընկալել, այդպիսով կարող են ծանոթանալ Թուրքիայի պատմական, քաղաքակրթական արժեքներին»:
Յըլդըրըմն անդրադառնալով Պապի՝ Հայոց ցեղասպանության վերաբերյալ ավելի վաղ հնչեցրած հայտարարությանը՝ ասել է. «Գուցե անգամ Վատիկանը նման բան չէր սպասում: Թուրքիան միշտ հայտնել է, որ իր արխիվները բաց են աշխարհի պատմաբանների առաջ»:
Էկոնոմիկայի փոխնախարարը կարծում է, որ երկու երկրների հարաբերությունները նախկին մակարդակին կվերադառնան և Թուրքիան միշտ պատրաստակամ է այդ առումով:
Հիշեցնենք, որ Թուրքիայի և Վատիկանի հարաբերությունները լարվել էին ապրիլի 12-ից հետո, երբ Հռոմի Պապը Սուրբ Պետրոսի տաճարում մատուցված պատարագի ժամանակ հայերի կոտորածն անվանել էր 20-րդ դարի առաջին ցեղասպանություն: Պապի հայտարարությունից հետո Թուրքիան խորհրդակցությունների նպատակով հետ էր կանչել Վատիկանում իր արտակարգ և լիազոր դեսպան Մեհմեթ Փաչաջըին:
Այս ենթաբաժնի վերջին նորությունները
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Այդ մասին հայտնել է ՀՀ ԱԳՆ մամուլի խոսնակ Անի Բադալյանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |