Ցեղասպանություն11:17, 25 Ապրիլ 2015
Թուրք լրագրող. «Գյուղերում գոմի վերածված եկեղեցիներ, անանուն գերեզմաններ: Սա է իմ տեսած 1915-ը»
Թուրքական «CNNTürk» հեռուստաալիքի միջազգային լուրերի խմբագիր, լրագրող Էրդեմ Այդընը ապրիլի 24-ին հրապարակած իր «Իմ տեսած 1915-ը» հոդվածում կիսվում է տարիներ առաջ Մալաթիա և Սվաս (Սեբաստիա) կատարած իր այցելության մասին հուշերով:
Հոդվածի հիմնական հատվածը ներկայացնում ենք ստորև`
«Սրանից 6 տարի առաջ, արտասահմանցի մի լրագրողի հետ, ով Հրանտ Դինքի մասին հոդված էր գրում, որպես թարգմանիչ գնացել էի Սվաս և Մալաթիա: Ասում են, երբ մարդ իր աչքով է տեսնում, ավելի շատ է հավատում: Ինձ հետ էլ այդպես պատահեց:
Սվասում հայ համայնքի ներկայացուցիչների հետ հանդիպեցինք: Գնացինք մի հայ ոսկերչի արվեստանոց: Հիշում եմ «Որպես ազգային փոքրամասնություն որևէ խնդիր ունենո°ւմ եք» թարգմանածս հարցը և ոսկերչի դեմքի տարօրինակ ժպիտը, խուսափողական հայացքով պատասխանած «Ոչ»-ը:
Ոսկերչի որդու հետ դուրս եկանք Սվասում շրջելու: Հիշում եմ հովտի դափ-դատարկ կանաչը ու դրա միջով անցնող գետը: Այնտեղ քարը քարի վրա չէր մնացել, բոլոր հետքերը ջնջված էին: Չէ, բոլորը չէ. մի հետք կար: Հովտի մի անկյունում` զինվորական գոտում, մի ավերակ եկեղեցի և կողքին մի գերեզմանոց կար: Եկեղեցի մտնելու թույլտվություն չուներ, ամաչելով պատմեց, որ մի օր ապօրինի ճանապարհով մտել է: Փայտյա դուռը բացեց, մտանք գերեզմանոց:
Գերեզմանաքար չկար, տեղ-տեղ հողի վրա ոսկորներ կային: «Գանձ որոնողներն ու բժշկական համալսարանի ուսանողները..»,- մրմնջաց: Ասաց, որ ուսանողները դասի համար այստեղ ոսկորներ են փնտրել: Պապիկի գերեզմանը ցույց տվեց, անձայն աղոթում էր: Ոչ գերեզմանաքար կար, ոչ անուն…
Տարիներ անց այնտեղ նկարածս նկարները արմատներով սվասցի մի ֆրանսահայ լրագրողի ցույց տվեցի: Հայացքը թափառում էր նկարներիս վրա ու մրմնջում. «Սա այն տեղն է.., սա էլ` այն մի տեղը»: Ինձ ասաց` քո մասին կգրեմ: Գրեց թե չէ, չգիտեմ, բայց ես եմ հիմա նրա մասին եմ գրում:
Ուրի՞շ ինչ տեսա: Գյուղերում գոմի վերածված եկեղեցիներ տեսա: Մալաթիայում տեսա այն չափազանց համեստ տունը, որտեղ ծնվել էր Հրանտ Դինքը: Տեսա տան կողքին գտնվող գմբեթը փլված եկեցեցին: Մի քիչ այն կողմ այսպես կոչված «գյավուրներ»-ի գերեզմանները տեսա: Մալաթիայում սպանված 3 քրիստոնյա լրագրողների գերեզմանները տեսա:
Սա է փոքրիկ այցից փոքրիկ հուշը: Գիրք գրելու ծրագիրը պահարան դրվեց, բայց տեսածներս ընդմիշտ ինձ հետ մնացին: Ահա սա էլ իմ տեսած 1915-ն էր»:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նեմրութ լեռան սրբավայրը կառուցել է հայկական Կոմմագենեի թագավորության Անտիոքոս Ա Երվանդունի արքան։
Թեմային անդրադարձել է Թուրքիայի պաշտպանության նախարար Յաշար Գյուլերը։
Թուրքիայի իշխանությունների «ահաբեկչության դեմ պայքարի» քաղաքականությունը զգալիորեն ընդլայնել է էրդողանական վարչակարգի լեգիտիմության հիմքերը։
Նշվում է, որ մինչև 2030-ը Թուրքիան կլինի ջրային ռեսուրսներով աղքատ երկրներից մեկը։
Մինչ օրս այդ անվանակարգում դեռ ոչ մի թուրքական ֆիլմ չի հայտնվել լավագույն հնգյակում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |