Վատիկանը չեղյալ է հայտարարել իր մասնակցությունը Գալիպոլիի միջոցառումներին

Քաղաքական10:28, 22 Ապրիլ 2015

Վատիկանը չեղյալ է հայտարարել իր մասնակցությունը Գալիպոլիի միջոցառումներին

Թուրքական լրատվամիջոցները, հղում տալով Վատիկանում Թուրքիայի դեսպանությունից ստացված տեղեկությանը, հայտնում են, որ Գալիպոլիի մարտերի 100 ամյակի պետական միջոցառումներին մասնակից հյուրերի մեջ այլևս չի լինելու Վատիկանի ներկայացուցիչը:

Թուրքիայի արտգործնախարարության հրավիրյալների ցուցակում նախապես ընդգրկել էր նաև Վատիկանի եկեղեցու Արդարադատության և խաղաղության խորհրդի նախագահ կարդինալ Պետրոս Կոդվո Ափփիահ Թուրքսոնի անունը: Այժմ արդեն նրա մասնակցությունը չեղյալ է հայտարարվել, իսկ որպես պատճառաբանություն նշվել է կարդինալի վատառողջությունը:

Տեղեկացնենք, որ այն բանից հետո, երբ Վատիկանում Հռոմի Ֆրանցիսկոս Պապի կողմից ապրիլի 12-ին Հայոց ցեղասպանության զոհերի հիշատակին նվիրված Վատիկանի Սբ. Պետրոս տաճարում մատուցվեց պատարագ, Անկարան խորհրդակցությունների նպատակով հետ կանչեց Վատիկանում Թուրքիայի արտակարգ և լիազոր դեսպան Մեհմեթ Փաչաջըին:

Աղբյուր` Ermenihaber.am

Այս ենթաբաժնի վերջին նորությունները

17:23, 30 հուն

Թուրքիայի նախագահը մեկնելու է Լեռնային Ղարաբաղ

Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։

13:02, 30 հուն

Մեծ Բրիտանիայի արտգործնախարարը կմեկնի Թուրքիա

Աղբյուրն ընդգծում է, որ Մեծ Բրիտանիայում բնակվում է մոտ կես միլիոն թուրք։

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։