Թուրք հաքերները կոտրել են Վատիկանի պաշտոնական կայքը

Միջազգային11:33, 15 Ապրիլ 2015

Թուրք հաքերները կոտրել են Վատիկանի պաշտոնական կայքը

Թուրքական «Turk Hack Team» հաքերների խումբը կոտրել է Վատիկանի պաշտոնական կայքը: Թուրքական «Haber Kibris» լրատվամիջոցը, հղում անելով իտալական մամուլին, նշում է, որ մեկօրյա դադարից հետո կայքը վերսկսել է իր գործունեությունը:

Այնուհետև @THTHerakles կեղծանունով հաքերը «Twitter» սոցիալական ցանցում գրառում կատարելով, նշել է, որ Վատիկանի պաշտոնական կայքի դեմ հարձակումները շարունակվելու են, քանի դեռ Հռոմի Պապ Ֆրանցիսկոս 1-ինը ներողություն չի խնդրել:

Նույն հաքերն այնուհետև ներողություն է խնդրել Վատիկանի քաղաքացիներից՝ նշելով, որ կատարվածը կապ չուներ Վատիկանի բնակչության հետ և այն ուղղված էր միմիայն Հռոմի Պապի դեմ:

Հիշեցնենք, որ ապրիլի 12-ին Հռոմի Պապ Ֆրանցիսկոսը Վատիկանի Սբ. Պետրոս տաճարում Հայոց ցեղասպանության զոհերին նվիրված պատարագի ժամանակ կիրառել էր «ցեղասպանություն» եզրույթը, ինչը հիստերիա է առաջացրել Թուրքիայի իշխանակն ու լրատվական շրջանակներում:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: