Քաղաքական11:58, 13 Ապրիլ 2015
Թուրք պատգամավորն ակնկալում է, որ Վատիկանը ներողություն կխնդրի Թուրքիայից
Թուրքիայի ազգային մեծ ժողովի (ԹԱՄԺ – TBMM) արտաքին հարաբերությունների հանձնաժողովի նախագահ Ահմեթ Բերաթ Չոնքարը անդրադարձել է ապրիլի 12-ին Հռոմի Պապ Ֆրանցիսկոս 1-ինի այն խոսքերին, ըստ որոնց «»20-րդ դարի առաջին ցեղասպանությունն իրականցվել է հայերի նկատմամբ»:
Թուրքական «haber7.com» լրատվակայքի համաձայն՝ Չոնքարը մասնավորապես ասել է. «Ինչպես տեսնում ենք, արևմուտքը Թուրքիայի հանդեպ շրջափակման գործողություն է իրականացնում, որը քայլ առ քայլ ի ցույց է դրվում: Որպես միջազգային համակարգում ընդունված կառույցի ղեկավար և որպես այդ պետության նախագահ՝ Պապի այս հայտարարությունը տեղին չէր: Ակնհայտ է, որ Պապն այն մարդը չէ, ով համապատասխան իրավասություն, գիտելիքներ ու տեսակետներ ունի նմանօրինակ հարցին գնահատական տալու համար»:
Թուրքիայի խորհրդարանի արտաքին հարաբերությունների հանձնաժողովի նախագահը նաև հիշեցրել է, որ Թուրքիայի տեսակետը խնդրո առարկա թեմայի շուրջ շատ հստակ է. Թուրքիան միանգամայն հանգիստ է 1915թ. կատարվածի առումով և բացել է իր բոլոր արխիվները, պատրաստ է գիտնականների հանձնաժողով ստեղծել պատմական փաստերն ուսումնասիրելու համար:
«Խորհրդարանների կամ երկրների նախագահները իրավասու չեն այս թեմայով կարծիք հայտնելու: Այս կերպ հնարավոր էլ չէ որևէ բանի հասնել: Մենք բացահայտորեն հայտարարում ենք, որ Վատիկանի մոտեցումը այս հարցում սխալ է: Անձամբ ես ակնկալում եմ, որ Վատիկանը կվերանայի այս հարցը և Թուրքիայի հանդեպ այս առումով իր սխալների համար ներողություն կխնդրի», - հայտարարել է Չոնքարը:
Այս ենթաբաժնի վերջին նորությունները
Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ:
Դաշինքի գլխավոր քարտուղարն Անթալիայում մեկնարկած ՆԱՏՕ անդամ երկրների արտգործնախարարների ոչ պաշտոնական հավաքի 2-րդ օրը հանդես է եկել մամուլի ասուլիսով:
ԱՄՆ նախագահը Դոհայում հայտարարել է, որ հարմար լինելու պարագայում ուրբաթ օրը կարող է մեկնել Թուրքիա:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Նա հայտարարել է, որ խոստումների իրականացմանը հետևելու է թուրքական Ազգային հետախուզական ծառայությունը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |