Ցեղասպանություն09:11, 11 Ապրիլ 2015
ԵԽ-ում Հայոց ցեղասպանության վերաբերյալ բանաձևը իրարանցում է առաջացրել Թուրքիայում
Ապրիլի 15-ին Եվրախորհրդարանում (ԵԽ) քվեարկության է դրվելու Հայոց ցեղասպանության վերաբերյալ նոր բանաձև: Ըստ թուրքական «Հյուրիյեթ» պարբերականի կայքի՝ ԵԽ-ի բոլոր քաղաքական խմբակցությունների կողմից համատեղ ներկայացված բանաձևում լինելու են դրույթներ, որոնք կարող են անհանգստացնել Թուրքիային: Աղբյուրի համաձայն՝ մինչև օրս Անկարան բանաձևի ընդունումը կանխելու ուղղությամբ դիվանագիտական քայլեր է կատարել, սակայն դրանք որևէ արդյունք չեն տվել:
«Հյուրիյեթը» գրում է, որ Հայոց ցեղասպանության թեման երկար ժամանակ ԵԽ-ում իրավական հիմքերի վրա չէր դրվում, սակայն այժմ՝ Ցեղասպանության 100-րդ տարելիցի կապակցությամբ թեման արդեն այլ ձևաչափի մեջ է դիտարկվում, և շնորհիվ հայկական սփյուռքի տևական ու հետևողական ջանքերի՝ նոր բանաձևում հայկական կողմին բավարարող դրույթներ են ներառվելու:
Նոր բանաձևը լինելու է առավելապես «քաղաքական ձևաչափի» մեջ: Այն աջակցելու է Հայաստանին և կոչ է անելու Թուրքիային առերեսվել անցյալի հետ ու ճանաչել ցեղասպանությունը՝ կատարվածի պատասխանատվությունը գցելով Թուրքիայի վրա:
«Իսկ հատկապես Ցեղասպանության ճանաչման խնդիրը Թուրքիայի Եվրամիությանն անդամակցելու գործընթացի հետ կապելը կազդի նաև Բրյուսել –Անկարա փոխհարաբերությունների վրա», - գրում է «Հյուրիյեթը»:
Նշվում է նաև, որ Թուրքիայի ջանքերի շնորհիվ որոշման նախնական տարբերակներում կարող են շեշտվել «դեպքերի՝ Օսմանյան կայսրությունում տեղի ունենալու» հանգամանքը և «խնդիրը պատմաբաններին թողնելու» առաջարկը, սակայն փոքր է հավանականությունը, որ այդ արտահայտությունները կպահպանվեն վերջնական տեքստում:
Անցյալ շաբաթ թուրքական մի պատվիրակություն, որի կազմում ընդգրկված էին թուրքական իշխող «Արդարություն և զարգացում» կուսակցության (ԱԶԿ- AKP) պատգամավորներ Աֆիֆ Դեմիրքըրանը, Սեյիթ Սերթչելիքը , ընդդիմադիր «Ժողովրդահանրապետական» կուսակցության (ԺՀԿ - CHP) պատգամավոր Ֆարուք Լողօղլուն և ընդդիմադիր «Ազգայնական շարժում» կուսակցության (ԱՇԿ –MHP) պատգամավոր Յուսուֆ Հալաչօղլուն, Բրյուսելում որոշակի պաշտոնական հանդիպումներ է ունեցել Հայոց ցեղասպանության թեմայի վերաբերյալ: Պատվիրակության անդամները հատկապես ընդգծել են Թուրքիայի պաշտոնական մոտեցումը, այն է՝ «խորհրդարանների ընդունած որոշումները չեն կարող դատարանների որոշումներին համարժեք ուժ ունենալ»: Նմանատիպ մի պատվիրակություն էլ նույն նպատակով Թուրքիայից Բրյուսել կմեկնի առաջիկա օրերին: Սակայն, ինչպես հենց «Հյուրիյեթն» է վկայում, ԵԽ-ում տիրում է այն մոտեցումը, որ «վերջին պահին ձեռնարկված քայլերը որևէ փոփոխություն չեն կարող առաջացնել»:
Հայոց ցեղասպանության վերաբերյալ բանաձևը քվեարկության կդրվի ապրիլի 15-ին:
Հիշեցնենք, որ Եվրախորհուրդը Հայոց ցեղասպանությունը ճանաչող մի որոշում ընդունել է դեռևս 1987 թ: Իսկ մի քանի շաբաթ առաջ հրապարակված հայտարարությամբ ԵԽ-ն ԵՄ անդամ երկրներին կոչ արեց «ճանաչել Հայոց ցեղասպանությունը և ջանքեր գործադրել՝ ցեղասպանության ճանաչման ուղղությամբ»: ԵՄ անդամ 28 երկրներից 11-ն արդեն պաշտոնապես ճանաչել են Հայոց ցեղասպանությունը:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |