Քաղաքական13:22, 10 Ապրիլ 2015
«Հայոց Ցեղասպանություն» ասելու համար ԺՀԿ-ում պահանջում են պատգամավորի հայ թեկնածուի հրաժարականը
Թուրքիայի գլխավոր ընդդիմադիր ուժ համարվող «Ժողովրդահանրապետական կուսակցության» (ԺՀԿ-CHP) կողմից պատգամավորի թեկանծու առաջադրված հայազգի Սելինա Օզուզուն Դողանից պահանջում են ինքնաբացար հայտարարել:
Այս մասին հայտնող թուրքական իշխանամետ «Յենի աքիթ» պարբերականը տեղեկացնում է, որ նման պահանջը պատճառը Սելինա Դողանի կողմից ցեղասպանություն եզրաբառի օգտագործումն է եղե իր ելույթի ժամանակ:
«Հայոց ցեղասպանության 100-ամյա տարելիցին իմ թեկանածության առաջադրումը սիմվոլիկ նշանակություն ունի»,- ասել էր տկն Դողանը:
Մինչդեռ հայտնի է, որ ԺՀԿ-ն ոչ միայն չի ճանաչում Հայոց ցեղասպանությունը, այլև ակտիվ գործունեություն է ծավալում՝ խոչընդոտելու ցեղասպանության ճանաչումը: Աղբյուրը նկատել է տալիս, որ հենց այդ պատճառով ԺՀԿ-ի կողմից «ցեղասպանությունը քարոզող թեկնածուի» առաջադրումն անընդունելի է դարձել ԺՀԿ-ական որոշ գործիչների համար:
Իսկ թուրքական մեկ այլ իշխանամետ «Աքշամ» պարբերականի թղթակից Էմին Փազարջըն գրում է, որ սխալ կլինի մտածել, թե հայ թեկնածուի առաջադրումը կարող է էականորեն նպաստել ԺՀԿ-ի ստացած ձայների թվի մեծացմանը: Լրագրողը համարում է, որ Դողանի թեկնածությունը «սխալ քաղաքական քայլ» էր ԺՀԿ-ի կողմից:
Սելինա Օզուզուն Դողանի հրաժարականը պահանջողները նաև վկայակոչում են այն հանգամանքը, որ Դողանի ամուսինը՝ Էրդալ Դողանը, միջազգային դատարաններում բողոքներ է ներկայացրել ԺՀԿ-ի և Մուստաֆա Քեմալ Աթաթուրքի դեմ՝ մեղադրելով նրանց որպես ցեղասպանների: Իսկ Սելինա Դողանը, աղբյուրի պնդմամբ, հայտնի է Հայոց ցեղասպանության ճանաչմանն ուղղված գործունեությամբ և այդ նպատակով օրենքներ ընդունել տալու ջանքերով: Նշվում է, որ Դողանը նաև դիմում է ներկայացրել Հաագայի միջազգային քրեական դատարան՝ Թուրքիային մեղադրելով «մշակութային ցեղասպանություն» կատարելու մեջ:
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |