Հասարակական11:00, 08 Ապրիլ 2015
Թուրքիայում պատգամավորի հայ թեկնածու. «Ես էրդողանին չեմ ներում»
Թուրքիայի ընդդիմադիր «Ժողովրդահանրապետական կուսակցության» (ԺՀԿ-CHP) կողմից առաջիկա խորհրդարանական ընտրություններում որպես պատգամավորի թեկնածու է առաջադրված հայազգի Սելինա Օզուզուն Դողանն ինքն իրեն բնութագրել է որպես սոցիալ-դեմոկրատ և ֆեմինիստ հայուհի:
Ըստ թուրքական ընդդիմադիր «mynet.com» լրատվակայքի՝ տկն Սելինան հայտարարել է, որ չի ներում Էրդողանին՝ «Ինձ, ներեցեք, հայ էլ են անվանել» արտահայտության համար:
«Ես այդ խոսքերը չեմ ներում: Բայց նման բաները, ցավոք, այսուհետ էլ կլինեն»:
Թուրքական «Çağdaş ses» լրատվական ծառայության հետ հարցազրույցի ժամանակ ԺՀԿ-ի հայ թեկնածուն անդրադարձել է նաև Հայոց ցեղասպանության թեմային` մասնավորապես ասելով. «Այսօր ակտուալ է «մշակութային ցեղասպանություն» կոչվածը: Իրականում այսօր այնքան շատ ակտուալ թեմաներ կան որոնց անհրաժեշտ է անդրադառնալ: Ճիշտ չի լինի նաև միայն հայերի մասին խոսելը: Իդեալական տարբերակ կլինի բոլոր փոքրամասնությունների ներկայացուցիչ լինելը, որովհետև նրանց համար ընդհանուր է այն, որ իրենց հետ հաշվի չեն նստում, իրենց ներկայացուցիչը չունեն: Հսկա պատրիարքարան գոյություն ունի, սակայն այն իրավաբանական կարգավիճակ չունի: Ահա սրանք են ամենահիմնական թեմաները»:
Հայ-թուրքական սահմանի վերաբերյալ հարցին ի պատասխան Դողանը նշել է, որ իր կարծիքով բոլոր փակ սահմանները պետք է բացվեն, մանավանդ որ գործնականում այդ սահմանը գոյություն չունի. հայերը, այնուամենայնիվ, մեկնում են Թուրքիա և այնտեղ առևտրով են զբաղվում:
Իսկ այն հարցին, թե ինչպես է վերաբերվում Թուրքիայի վարչապետ Ահմեթ Դավութօղլուի գլխավոր խորհրդական Էթյեն Մահչուփյանի հայտարարությանը, թե «հայ լինելով հանդերձ իրեն ավելի շատ օսմանցի է զգում», Դողանը պատասխանել է. «Ես Թուրքիայում բնակվող հայ եմ: Նրա կարծիքին հարգանքով եմ վերաբերվում»:
Նշենք, որ Ստամբուլի հայկական Գրեգորյան համայնքի ներկայացուցիչ Սելինա Դողանը մասնագիտությամբ իրավաբան է և 16 ամսական փոքրիկի մայր: ԺՀԿ-ի կողմից նրա թեկնածության առաջադրումը անակնկալ էր հատկապես այն առումով, որ Դողանն այդ կուսակցության անդամը չէ:
Այս ենթաբաժնի վերջին նորությունները
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |