Թուրքիայի ընդդիմադիր կուսակցությունը մեջլիսի ընտրություններին հայ թեկնածու կառաջադրի

Քաղաքական07:38, 07 Ապրիլ 2015

Թուրքիայի ընդդիմադիր կուսակցությունը մեջլիսի ընտրություններին հայ թեկնածու կառաջադրի

Թուրքիայի գլխավոր ընդդիմադիր «Ժողովրդահանրապետական» (ԺՀԿ-CHP) կուսակցությունը հունիսի 7-ին կայանալիք խորհրդարանական ընտրություններին հայ թեկնածու կներկայացնի:

Թուրքական «Հաբերեվեթ» լրատվական կայքը հայտնում է, որ ազգությամբ հայ Թուրքիայի քաղաքացի տկն Սելինա Օզուզուն Դողանը ներառված է ԺՀԿ նախագահ Քեմալ Քըլըչդարօղլուի կողմից քվոտայով ներկայացված թեկնածուների ցուցակում:

1977 թվականին ծնված Սելինա Օզուզուն Դողանը կլինի ԺՀԿ-ի Ստամբուլից առաջադրված պատգամավորի թեկնածու: Դողանը մասնագիտությամբ իրավաբան է, ամուսնացած է, ունի մեկ երեխա:

Հիշեցնենք, որ Թուրքիայի ազգային մեծ ժողովը (ԹԱՄԺ-TBMM) միապալատ խորհրդարան է՝ 550 անդամներով: Խորհրդարան անցնելու նվազագույն շեմը 10 տոկոս է: 2007թ. սահմանադրական բարեփոխումների արդյունքում մեկ գումարման խորհրդարանի գործունեության ժամկետը 5-ից կրճատվեց 4 տարվա:

Աղբյուր` Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: