Իտալական թերթ. «Էրդողանը գերակայության մոլուցք ունի»

Քաղաքական09:24, 02 Ապրիլ 2015

Իտալական թերթ. «Էրդողանը գերակայության մոլուցք ունի»

Իտալական «Corriere della Sera» պարբերականի կայքում հրապարակված «Ուժը ` որպես ն Էրդողանի քաղաքականության ճգնաժամի ազդանշան» հոդվածում Թուրքիայի նախագահը բնութագրվել է որպես «գոռոզ» և «գերակայության մոլուցքով տառապող» անձ:

Հոդվածում անդրադարձ է կատարվել նաև Էրդողանի և վարչապետ Ահմեթ Դավութօղլուի միջև ծագած անհաշտությանը:

«Գրեթե ամեն օր Թուրքիայում, հատկապես մայրաքաղաք Ստամբուլում տեղի ունեցող բռնությունների քանակի մեծացումը կարող է բացատրվել այն ծանր սոցիալական ճգնաժամով, որի մեջ գտնվում է երկիրը: Առաջվա պես լավ վիճակում չգտնվող տնտեսությունն ավելի է ծանրացնում ճգնաժամը: Նախագահ Էրդողանի գոռոզությամբ և հզոր ուժով հրահրվող քաղաքականությունն էլ ավելի է խորացնում ճգնաժամը»:

«Corriere della Sera»-ը շեշտում է, որ Էրդողանի որդեգրած քաղաքականությունը բողոքի ալիք է բարձրացրել նաև իշխող «Արդարություն և զարգացում» կուսակցության (ԱԶԿ- AKP) ներսում: Հոդվածում հիշեցվում է մի քանի օր առաջ Էրդողանի և Դավութօղլուի՝ դեմ առ դեմ դուրս գալու հանգամանքը, ինչպես նաև այն, որ երբ պատանդ էր վերցվել դատախազ Քիրազը, «ազգային անվտանգության» պատրվակով արգելվել էր ուղիղ եթեր իրականացնել արդարադատության պալատից, ինչը զայրազրել էր թուրքական մամուլին:

«Եթե հաշվի առնենք, որ բանտերում գտնվող լրագրողների և գիտաշխատողների թվով Թուրքիան բոլորովին ոչ նախանձելի ռեկորդ է սահմանել, ապա մամուլի ներկայացուցիչների ռեակցիան կարելի է հասկանալ: Եթե այլ ժամանակներ լինեին, կարող էր ռազմական հեղաշրջման սցենարի մտավախություն առաջանալ: Այսօր վիճակը շատ տարբեր է: Նախագահ Էրդողանը ավելի քան տասը տարուց ի վեր ապահովել է երկրի կայունությունը և մեծ մասամբ կարողացել է նվազեցնել ռազմական ուժի ազդեցությունը՝ ինչպես և պահանջում էր Եվրամիությունը», - ասված է իտալական թերթում:

«Սակայն այժմ Էրդողանի գոռոզությունն անցել է բոլոր սահմանները: Երկրի ինչպես ներքին, այնպես էլ արկածախնդիր արտաքին քաղաքականությունը գրեթե բոլոր միջազգային դիտորդների կարծիքով վատթարագույն վիճակում է»:

«Corriere della Sera»-ն նաև կարծիք է հայտնել, որ Էրդողանը ձգտում է հունիսի 7-ի ընտրությունների արդյունքում խորհրդարանում մեծամասնություն կազմել՝ ներկայացված լինելով պատգամավորների ընդհանուր թվի երկու երրորդով, որպեսզի կարողանա անցնել նախագահական համակարգի և երկիրը միայնակ կառավարել: Ըստ աղբյուրի՝ այդ հանգամանքի պատճառով էլ Էրդողանի և Դավութօղլուի միջև բախումներ են տեղի ունենում:

«Երկիրը միայնակ ղեկավարող չափավոր իսլամական կուսակցությունը ենթարկված է ներկայացուցիչների մեծամասնությունը կորցնելու վտանգին: Սակայն կարելի է գրազ գալ, որ Էրդողանը ամեն միջոցի կդիմի»,- վստահեցնում է իտալական պարբերականը:

Աղբյուր` Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: