Էրդողանը Սլովենիայի նախագահին անձամբ է հրավիրել մասնակցելու Գալիպոլիի միջոցառումներին

Քաղաքական07:45, 31 Մարտ 2015

Էրդողանը Սլովենիայի նախագահին անձամբ է հրավիրել մասնակցելու Գալիպոլիի միջոցառումներին

Մարտի 30-ին Թուրքիայի նախագահ Ռեջեփ Թայիփ Էրդողանը, պաշտոնական այցով գտնվելով Սլովենիայում, ելույթ է ունեցել մայրաքաղաք Լյուբլյանայում Սլովենիայի նախագահ Բորութ Փահորի հետ կազմակերպված համատեղ մամուլի ասուլիսի ժամանակ:

Թուրքական «haberler.com» լրատվակայքը տեղեկացնում է, որ Էրդողանն անդրադարձել է նաև Չանաքքալեի մարտերի 100 ամյակի տոնակատարությունների թեմային: Նա մասնավորապես նշել է, որ ներկա դրությամբ 30 երկրների նախագահներ և վարչապետներ արդեն հաստատել իրենց մասնակցությունը ապրիլի 23-24-ին Թուրքիայում կայանալիք պետական միջոցառումներին: Միաժամանակ Էրդողանը անձամբ հրավիրել է Սլովենիայի նախագահին՝ հույս հայտնելով, որ ապրիլի 24-ին հնարավորություն կունենան Չանաքքալեից միասին խաղաղության ուղերձ հղելու աշխարհին:

Հիշեցնենք, որ ավելի վաղ` մարտի 13-ին Դարդանելում կազմակերպված «Գալիպոլիի ոգին» խորագրով համաժողովի ժամանակ ևս Թուրքիայի նախագահը ներկաներին տեղեկացրել էր, որ ավելի քան 30 երկրներից Անկարայի հրավերին դրական պատասխան է տրվել:

«Ապրիլի 24-ին կայանալիք հարյուրամյակի միջոցառումներին մենք հրավիրել ենք տարբեր երկրների նախագահների և կառավարության ղեկավարների: Մինչև այս պահն արդեն ավելի քան 30 նախագահներ ու վարչապետներ հաստատել են, այդ օրը մեզ հետ Չանաքքալեում լինելու իրենց ուղղված հրավերը: Իսկ եթե հաշվենք նաև նախարարներին և այլ ներկայացուցիչների, ապա այդ թիվը զգալիորեն կմեծանա», ասել էր Էրդողանը:

Աղբյուր` Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: