ԱՄՆ-ի պետքարտուղարը մտահոգված է Թուրքիայում մամուլի անազատությամբ

Միջազգային13:00, 25 Մարտ 2015

ԱՄՆ-ի պետքարտուղարը մտահոգված է Թուրքիայում մամուլի անազատությամբ

ԱՄՆ-ի պետքարտուղար Ջոն Քերրին պատասխանել է 2015թ. փետրվարին 88 կոնգրեսականների ստորագրությամբ իրեն հղված նամակին, որտեղ մտահոգություն էր հայտնվում վերջին շրջանում Թուրքիայում գրանցված մամուլի հանդեպ գործադրվող ճնշումների կապակցությամբ:

Ըստ թուրքական «Հաբերդար» լրատվականի՝ կոնգրեսականների նամակին տրված պատասխանում նույնպես տեղ են գտել Թուրքիայում մամուլի ազատության սահմանափակումները քննադատող մտքեր: Նշվել է նաև, որ այդ հարցում ԱՄՆ-ի դիրքորոշումը բազմիցս ներկայացվել է թե թուրք պաշտոնյաների հետ առանձնազրույցների ժամանակ, թե հրապարակային հայտարարություններում և թե մարդու իրավունքների վերաբերյալ զեկույցներում:

ԱՄՆ պետքարտուղարության տարածած պատասխան նամակում մասնավորապես ասված է. «Մենք կիսում ենք ձեր անհանգստությունը բազմակարծության և մամուլի ազատության սահմանափակմանն ուղղված ճնշումների կապակցությամբ: Պետքարտուղարության խոսնակմ ապրիլի 14-ին նշված ձերբակալությունների վերաբերյալ գրավոր հայտարարություն է տարածել: Ընդգծվել է, որ մամուլի ազատությունը, արդար դատաքննությունը և դատական համակարգի անկախությունը առողջ ժողովրդավարության կարևորագույն բաղկացուցիչն են և պահանջվել է, որ թուրքական իշխանությունները հետևեն, որպեսզի այդ հիմնարար արժեքները չոտնահարվեն»:

Գրավոր պատասխանում նաև ընդգծվել է, որ իրենք գոհունակությամբ են ընդունել Թուրքիայի սահմանադրական դատարանի կողմից Twitter սոցկայքը Թուրքիայի ինտերնետ-տիրությում կրկին հասանելի դարձնելու մասին որոշումը և շարունակելու են խթանել Թուրքիայում ժողովրդավարության սկզբունքների ձեռքբերմանն ուղղված անհրաժեշտ քայլերի իրագործումը:

Աղբյուր` Ermenihaber.am