Չավուշօղլուն ԱՄՆ-ում բարձրացնելու է Գյուլենին Թուրքիային արտահանձնելու հարցը

Քաղաքական12:19, 24 Մարտ 2015

Չավուշօղլուն ԱՄՆ-ում բարձրացնելու է Գյուլենին Թուրքիային արտահանձնելու հարցը

Թուրքիայի արտգործնախարար Մևլութ Չավուշօղլուն ապրիլին ԱՄՆ –ի մայրաքաղաք Վաշինգտոն կատարելիք այցի շրջանակներում հանդիպելու է պետքարտուղար Ջոն Քերիի հետ: Նախատեսվում է, որ կողմերը թուրք-ամերիկյան հարաբերություններից զատ քննարկելու են նաև տարածաշրջանային մի շարք կարևոր խնդիրներ, ինչպես օրինակ սիրիական ճգնաժամը, «Իսլամական պետություն» (ԻՊ) ահաբեկչական կազմակերպության դեմ պայքարի ծրագիրը և այլն:

Ըստ թուրքական «Յենիշավաք» լրատվամիջոցի` Չավուշօղլուն նշել է, որ Վաշինգտոնում բարձրացնելու է նաև գուլենական շարժման առաջնորդ, ամերիաբնակ միլիարդատեր Ֆեթուլլահ Գյուլենի արտահանձման հարցը: «ԱՄՆ-ն թող մեզ փաստաթղթեր տրամադրի, տեսնենք, քննարկենք: Մեր արդարադատության նախարարությունում համապատասխան աշխատանքներն արդեն ավարտին են հասել»,- նկատել է նախարարը:

Ջոն Քերիի հետ հանդիպման ընթացքում քննարկվելու է նաև սիրիական ընդդիմությանը զինավարժելու և ռազմական օգնություն տրամադրելու հարցը, որի վերաբերյալ Թուրքիայի և ԱՄՆ-ի միջև պայմանագիր էր ստորագրվել: Ի սկզբանե նախատեսվում էր, որ նշյալ պայմանագիրը, պետք է գործի դրվեր 2015 թ. ապրիլ ամսից, սակայն տեխնիկական մի շարք հարցերի պատճառով այն գործի կդրվի մայիսից:

Աղբյուր` Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: