Միջազգային09:58, 21 Մարտ 2015
Թուրքական իշխանամետ կայքը գյուլենականներին մեղադրում է հայամետ լոբբինգի մեջ
Թուրքիայի իշխանական շրջանակները քանիցս մեղադրել են գյուլենական ուժերին մասնավորապես ԱՄՆ-ում հայանպաստ ակտիվություն ցուցաբերելու համար: Մասնավորապես, թուրքական իշխանամետ «yenisafak.com.tr» կայքը գրում է, թե իրենց հայտնի է դարձել, որ գյուլենական համայնքը ֆինանսավորում է ԱՄՆ կոնգրեսի այն անդամներին, որոնք Հայոց ցեղասպանության մասին բանաձև են նախապատրաստել և ներկայացրել կոնգրեսին:
Խոսքը ԱՄՆ «Հանրապետական կուսակցության» պատգամավոր Ռոբերտ Դոլդի, Կալիֆորնիայի պատգամավոր Դավիթ Վալադաոյի, «Դեմոկրատական կուսակցության» Նյու Ջերսիի պատգամավոր Ֆրանկ Պալլոնի և Կալիֆորնիայի պատգամավոր Ադամ Շիֆի մասին է, որոնք մարտի 18-ին ԱՄՆ-ի ներկայացուցիչների պալատին էին ներկայացրել Օբամայից Հայոց ցեղասպանության ճանաչումը պահանջող մի նախագիծ:
Թուրքական իշխանամետ լրատվամիջոցը առաջ է քաշում այն պնդումը, թե չսահմանափակվելով միայն օրինագծի հեղինակներով` գյուլենականները խոշոր գումարներ են նվիրաբերել նաև հայկական բանաձևի տակ ստորագրած կոնգրեսի մյուս անդամներին: Ավելին, վերոհիշյալ կայքը պնդում է, որ ԱՄՆ-ի սենատի 74 անդամների ստորագրությամբ վերջերս հրապարակված «Թուրքիայում մամուլի ազատություն չկա» նամակը նույնպես Գյուլենական համայնքի ձեռքի գործն է, որը ԱՄՆ սենատի վերոհիշյալ 74 անդամներին ևս խոշոր չափերի գումարներ է նվիրաբերել:
Նշենք, որ գյուլենական համայնքի առաջնորդն ԱՄՆ-ում բնակվող միլիրադատեր, իսլամական շարժման առաջնորդ Ֆեթուլլահ Գյուլենն է, ով նախկին դաշնակցում էր Էրդողանի վարչակազմի հետ, իսկ այժմ խոր առճակատման մեջ է:
Այս ենթաբաժնի վերջին նորությունները
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |