Թուրքիայում տեղի է ունեցել Հայոց ցեղասպանության մասին գրքի շնորհանդես

Տարածաշրջան10:10, 16 Դեկտեմբեր 2014

Թուրքիայում տեղի է ունեցել Հայոց ցեղասպանության մասին գրքի շնորհանդես

Դեկտեմբերի 15-ին Ստամբուլում տեղի է ունեցել «Թուրքիան և հայկական ուրվականը, քայլեր ցեղասպանության հետքերով» գրքի թուրքերեն թարգմանության շնորհանդեսը: Գրքի հեղինականերն են ֆրանսիական «Լե Ֆիգարո» և «Լը մոնդ» թերթերի լրագրողներ Լորա Մաշանը և Գիյոմ Պերյեն:

Գիրքը պատմում է Թուրքիայի՝ Եվրամիության անդամակցության բանակցությունների սկսման պահից՝ 2004 թվականից, մինչև օրս այնտեղ տեղի ունեցած փոփոխությունների մասին և ներկայացնում է Թուրքիայում ամենազգայուն թեմաներից մեկի` Հայկական հարցի վերաբերյալ վկայություններն ու տարբեր մոտեցումները:

Ինչպես գրում է լրագրող Հրանտ Գասպարյանը թուրքական « Դեմոկրատ հաբեր» լրատվական կայքում, հեղինակները ցեղասպանության զոհերի և անգամ վերապրածների երեխաների և թոռների վկայությունների միջոցով պաշտոնական պատմությանը հակադրում են մեկ այլ պատմություն:

Գիրքը բաղկացած է 18 գլխից, որոնցում ներկայցվում են Ֆրանսիայում, Ստամբուլում, Թուրքիայի արևելյան շրջաններում ձեռք բերված նյութերը, ցեղասպանությունը վերապրած հայերի թոռների պատմությունները, խոսվում է իսլամացված հայերի, Սևան Նիշանյանի մասին, Դպրեվանք դպրոցի մասին, որի շրջանավարտներից է եղել նաև պոլսահայ ականավոր գործիչ Հրանտ Դինքը:
Գրքի թարգմանիչ Ռենան Աքմանը հույս ունի, որ գիրքը կազդի հատկապես Թուրքիայի երիտասարդ քաղաքացիների վրա և կմղի դեպի ճշմարտությունը տանող ցնցող ճամփորդության:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: