Թուրքիայի արտգործախարար. «Հայաստանը չի պատասխանում մեր դրական ուղերձներին»

Քաղաքական11:38, 26 Նոյեմբեր 2014

Թուրքիայի արտգործախարար. «Հայաստանը չի պատասխանում մեր դրական ուղերձներին»

Հայոց ցեղասպանության ճանաչման դեմ պայքարը քննարկվել է Թուրքիայի խորհրդարանում: Թուրքիայի արտգործնախարար Մևլութ Չավուշօղլուն իր ելույում ասել է, թե Հայաստանը չի պատասխանում հարաբերությունների կարգավորմանն ուղղված Թուրքիայի ջանքերին՝ ավելացնելով, որ Հայաստանի՝ 2015-ին ընդառաջ քայլերը մտահոգիչ են:

«Հայաստանի հետ հարաբերությունների կարգավորման մեր ցանկությունը չի փոխվել: 2015-ին ընդառաջ Հայաստանը Թուրքիայից գնացող բարի նպատակ ունեցող ուղերձներին դրական պատասխան չի տալիս, փոխարենը ողջ էներգիան կենտրոնացնում է 1915-ի դեպքերի հետ կապված գործունեության վրա»,- ասել է թուրք նախարարը:

Թուրքական «Ուլուսալքանալ» լրատվական կայքի հաղորդմամբ՝ քննարկումների ժամանակ չի շրջանցվել նաև Դողու Փերինչեքի գործով դատավարության թեման: Չավուշօղլուն շատ կարևոր է համարել Մարդու իրավունքների եվրոպական դատարանի (ՄԻԵԴ) հրապարակած վճիռը, որով ցեղասպանությունը ժխտող Փերինչեքի հայտարարությունները դիտարկվել են խոսքի ազատության շրջանակներում:

«Շվեցարիա-Փերինչեք գործով դատավճիռը ցեղասպանության կեղծ դրույթների 100 ամյակում Թուրքիայի կարևոր հաղթաթղթերից է: Այս և հաջորդ տարի Թուրքիայում Փերինչեք-Շվեցարիա դատավարության մասին շատ է խոսվելու»,- ասել է Չավուշօղլուն:

Թուրք նախարարը նշել է նաև, որ իրենք Ադրբեջանի հետ մշտական կապ են պահպանում՝ առաջնահերթ նպատակ ունենալով լուծել Լեռնային Ղարաբաղի հարցը:

Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: