ԱՄՆ փոխնախագահ Ջո Բայդենը Թուրքիայում է

Քաղաքական09:32, 22 Նոյեմբեր 2014

ԱՄՆ փոխնախագահ Ջո Բայդենը Թուրքիայում է

Նախօրեի երեկոյան Աթաթուրքի անվան Ստամբուլի օդանավակայանում է իջել ԱՄՆ փոխնախագահ Ջո Բայդենը: Նրան դիմավորել են Ստամբուլի նահանգապետ Մուստաֆա Այհանը և Թուրքիայում ԱՄՆ դեսպանության ներկայացուցիչները: Ինչպես հայտնում է «Սի էն էն թուրք» լրատվականը, Բայդենը հանդիպել է վարչապետ Ահմեթ Դավութօղլուի հետ, նախատեսվում է հանդիպում նաև նախագահ Ռեջեփ Թայիփ Էրդողանի հետ:

Քննարկումների օրակարգում լինելու են Սիրիայում և Իրաքում ջարդեր իրականացնող «Իսլամական պետություն» ահաբեկչական կազմակերպության զինյալների դեմ պայքարի համագործակցությունը և կիպրական հարցը:

ԱՄՆ փոխնախագահի այցը Թուրքիա բողոքի ցույցով են դիմավորել «Ժողովրդի ազատագրություն» կուսակցության ավելի քան 3 տասնյակ ակտիվիստներ: Նրանք հավաքվել են Ստամբուլի Դոլմաբահչե պալատի մոտ և մեծ պաստառ ծածանել` հետևյալ գրությամբ «Չքվիր մեր երկրից, մարդկային ցեղի ամենամեծ թշնամին ամերիկյան իմպերիալիզմի ներկայացուցիչ Ջո Բայդեն»: Ակտիվիստները վանկարկել են «Կորչի ամերիկյան իմպերիալիզմը», «Մարդասպան ԱՄՆ» և նմանատիպ այլ լոզունգներ:

Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: