Գիտակրթական13:20, 18 Նոյեմբեր 2014
Հայաստանցի աշակերտը Թուրքիայում կրթական հեռանկար չունի
Թուրքիայում ներկայումս բնակվում է մոտավորապես 3.000 հայաստանցի երեխա, որոնք կանգնած են կրթություն ստանալու խնդրի առաջ: Այս երեխաները չունեն Թուրքիայի քաղաքացիություն, դրա համար էլ չեն կարող անգամ այդ երկրի հայկական դպրոցներում գրանցվել և սովորել: Թուրքիայի կրթության նախարարության կողմից 2011 թվականին ընդունված որոշման համաձայն` հայաստանցի երեխաներին թույլ տրվեց տեղի հայկական դպրոցներում կրթություն ստանալ «հյուր-աշակերտ»-ի կարգավիճակով: Սկզբնական շրջանում որպես բարեփոխում ընկալված որոշումը հետագայում իր հետ բերեց մի շարք խնդիրներ, որոնք առ այսօր լուծված չեն:
Նախ պարզվեց, որ Հայաստանից մեկնած աշակերտները կրթություն ստանալուց հետո ատեստատ չեն ստանում ՝ ի տարբերություն իրենց մյուս համադասարանցիների, որոնք Թուրքիայի քաղաքացի են: Ատեստատի փոխարեն նրանք ստանում են համապատասխան դասընթաց անցնելու մասին տեղեկանք: Եվ ինչ-որ տեղ կրթությունը դառնում է անիմաստ քանի որ դպրոցն ավարտելուց հետո երեխաները հայտնվում են փակուղում. կրթությունը շարունակելու համար համապատասխան փաստաթուղթ չունեն, իսկ եղած կրթությունն էլ, բնականաբար, բավարար չէ:
«Ermenihaber.am»-ի հետ զրույցում Ստամբուլի հայկական դպրոցների հարցով զբաղվող Գարո Փայլանն ասաց, որ խնդիրը դեռևս շարունակվում է մնալ չլուծված: Պատկան մարմիններին հասցեագրված իրենց դիմումները տարիներ շարունակ մնում են անպատասխան: Փայլանը ծրագրի մեկ թերություն ևս նշեց: Դա «հյուր-աշակերտ» երեխաների` նոր միջավայրում հոգեբանական խնդիրների հետ բախվելու հարցն է:
«Հայաստանցի երեխաները, որոնք ընդունվում են Թուրքիայում գործող հայկական դպրոցներ, բախվում են լեզվական խնդրին: Նրանք խոսում են Հայաստանում սերտած արևելահայերենով, իսկ այստեղ կրթությունն իրականացվում է արևմտահայերենով: Հետևաբար երեխաների համար դժվարություն է առաջանում հաղթահարել լեզվական այդ պատնեշը: Կարծում եմ պետք է լինեն նախապատրաստական կենտրոններ: Երեխանները նախ պետք է վերապատրաստվեն այդ կենտրոններում հետո հաճախեն դպրոցներ: Եվ բացի այդ, պետք է լուծվի նաև ատեստատի հարցը, ինչը շատ կարևոր է»,-եզրափակում է Գարո Փայլանը:
Աստղիկ Իգիթյան / Ստամբուլ
Ermenihaber.am
Այս ենթաբաժնի վերջին նորությունները
Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։
Հուշագիրը վերաբերում է թուրքմենա-թուրքական հանրակրթական դպրոցներում անցկացվող դասընթացներին։
Հրապարակվել է հոդված Հայաստանի տեխնոլոգիական ոլորտի զարգացման մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Թուրքիայի նախագահը Մասուդ Փեզեշքյանի հետ զրույցում հայտարարել է, որ այն ինչ Գազայում իրականացվում է Իսրայելի կողմից, ոչ մի բացատրություն չունի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |