Թուրքիայի փոխվարչապետը հիշեցրել է հայկական սփյուռքի դեմ իրենց պայքարի մասին

Քաղաքական08:54, 10 Նոյեմբեր 2014

Թուրքիայի փոխվարչապետը հիշեցրել է հայկական սփյուռքի դեմ իրենց պայքարի մասին

Թուրքիայի փոխվարչապետ Բյուլենթ Արընչը մասնակցել է Բուրսայի չերքեզական մշակութային միության կազմակերպված «Կովկասի սփյուռքի տարվա լավագույնները ամենամյա մրցանակաբշխություն» միջոցառմանը: Արընչը ընդգծել է, որ ինքը չերքեզների փեսա է, իր կինն ազգությամբ չերքեզ է: Պարգևներ են հանձնվել 13 անվանակարգերում: Արընչն արժանացել է տարվա քաղաքական գործիչ մրցանակին:

Թուրքիայի փոխվարչապետն իր ելույթում հիշատակել է նաև հայկական սփյուռքի մասին: Ըստ «Յազեթե» լրատվակայքի` Արընչը նկատել է տվել, որ «սփյուռք» ասելով Թուրքիայում ավելի շատ և հիմնականում հասկանում են հենց միայն աշխարհասփյուռ հայություն:

«Կա հայկական սփյուռք, որը պնդում է հայոց ցեղասպանության մասին: Թուրքիան էլ դրա դեմ պայքարում է: Բայց «սփյուռք» բառը ինքնին ճիշտ է ասված: Այսինքն իր երկրի սահմաններից դուրս ապրող ժողովուրդը սփյուռք է կոչվում»,- ասել է փոխվարչապետը:

Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: