Դավութօղլուն և նրա հայ խորհրդականը` ծաղրանկարի հերոսներ

Քաղաքական09:37, 27 Հոկտեմբեր 2014

Դավութօղլուն և նրա հայ խորհրդականը` ծաղրանկարի հերոսներ

Թուրք ծաղրանկարիչ Սեֆեր Սելվին անդրադարձել է Թուրքիայի վարչապետի գլխավոր խորհրդականի պաշտոնին պոլսահայ հրապարակախոսի նշանակման փաստին: «Եվրենսել» լրատվական կայքում հրապարակած ծաղրանկարում Սելվին պատկերել է վարչապետ Ահմեթ Դավութօղլուին և նորանշանակ գլխավոր խորհրդական Էթյեն Մահչուփյանին: Ծաղրանկարում Դավութօղլուն ժպտադեմ ներկայացնում է Մահչուփյանին` ասելով. «Կներեք, սա էլ իմ խորհրդական Մահչուփյանն է»:

Դավութօղլուին վերագրված այդ արտահայտությամբ թուրք ծաղրանկարիչը փորձել է ակնարկի միջոցով քննադատել է Թուրքիայի նախագահ Ռեջեփ Թայիփ Էրդողանին, ով ոչ վաղ անցյալում հայերի արժանապատվությունը վիրավորող խոսքեր էր հնչեցրել:

NTV հեռուստաալիքի «Խոսում են թեկնածուները» հաղորդման ժամանակ Էրդողանն ասել էր. «Իմ մասին ինչեր ասեք, որ չեն ասել: Ինձ անվանել են վրացի: Կներեք, բայց ինձ նույնիսկ ավելի վատ բան են ասել` ինձ անվանել են հայ: Սակայն ես թուրք եմ, պապական ու հորական կողմից թուրք եմ»:

Նշենք, որ Էրդողանի այս հայտարարությունը մեծ վրդովմունք էր առաջացրել երկրում: Նրան մեղադրեցին ռասիզմի և ազգային փոքրամասնություններին, մասնավորապես Թուրքիայի հայ քաղաքացիներին վիրավորելու մեջ:

Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: