Ֆրանսիական վարժարանի աշակերտը պատժվել է Հայոց ցեղասպանությունը ժխտելու համար

Ցեղասպանություն10:58, 14 Հոկտեմբեր 2014

Ֆրանսիական վարժարանի աշակերտը պատժվել է Հայոց ցեղասպանությունը ժխտելու համար

Ֆրանսիայի Ռուբե քաղաքում գտնվող վարժարաններից մեկում սովորող Իբրահիմ Քութլու անունով թուրք աշակերտը դասագրքում ընդգրկված Հայոց ցեղասպանության թեման անցնելու ժամանակ, հայտարարելով, որ չի ընդունում ցեղասպանության փաստը, վեճի է բռնվել աշակերտներից մեկի հետ:

Քութլուն հրապարակավ հայտարարել է, որ ցեղասպանություն չի եղել և դասագրքում ընգրկված թեման սուտ է: Այդ պահին աշակերտներից մեկն ի պատասխան ասել է. «Ցեղասպանության ժամանակ դու դեռ աշխարհ չէիր եկել, ինչպե՞ս կարող ես պնդել որ նման բան չի եղել»:

Թուրքական «Հաբերվիթրինի» լրատվական կայքի հաղորդմամբ՝ թուրք աշակերտը վեճի է բռնվել դասընկերոջ հետ, ինչի արդյունքում վարժարանի ղեկավարությունը որոշել է ժամանակավորապես հեռացնել Քութլուին:

Վարժարանի ղեկավարությունը նամակ է ուղարկել թուրք աշակերտի ընտանիքին, որում նշվում է, որ ավարտական դասարանում սովորող թուրք աշակերտը 2 անգամ զգուշացում է ստացել պատմաաշխարհագրության դասին հարձակողական պահվածքի համար: Նամակում ասվում է, որ իրենց վարժարանում ազգայնականությունն ու քաղաքականությունը տեղ չունեն: Վարժարանի ղեկավարությունը զգուշացրել է նաև, որ նման արարքի կրկնման դեպքում թուրք աշակերտի այնտեղ մնալ-չմնալու հարցն արդեն կորոշի կարգապահական կոմիտեն:

Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։