Հակահայկական «Թալեաթ փաշա կոմիտեն» պատրաստվում է 2015-ին

Ցեղասպանություն11:50, 03 Հոկտեմբեր 2014

Հակահայկական «Թալեաթ փաշա կոմիտեն» պատրաստվում է 2015-ին

Թուրքիայի առավել ակտիվ հակահայկական գործունեություն ծավալող կազմակերպություներից «Թալեաթ փաշա կոմիտեն» ակտիվորեն պատրաստվում է Հայոց ցեղասպանության 100-ամյակին: Այս մասին հայտարարել է նշյալ կազմակերպության ղեկավար Իսմաիլ Հաքքը Փեքինը՝ Ադրբեջանական «vesti.az»-ին տված հարցազրույցում:

Լրագրողի հարցին, թե նրա կարծիքով արդյո՞ք Էրդողանը կընդունի 2015-ի ապրիլի 24-ին Երևանում անցկացվելիք միջոցառումներին մասնակցելու հայկական կողմի հրավերը, Փեքինը պատասխանել է, որ չի սպասում, թե Էրդողանը կընդունի այդ հրավերը, քանզի դա կնշանակի ընդունել նաև հայերի «պնդումները»: Նա ավելացրել է նաև, որ հրավերի ընդունումը Թուրքիայում ուժեղ հակազդեցության կհանդիպի և որևէ պետական գործիչ չի ցանկանա այդ կերպ մտնել պատմության մեջ:

Իսկ լրագրողի այն հարցին, թե թուրքական կողմը ինչպիսի՞ միջոցառումներ է նախատեսում հակազդելու համար Հայող ցեղասպանության 100-ամյակի միջոցառումներին, Փեքինը պատասխանել է. «Այս պահին պետության կողմից իրականացվող բացահայտ մեծամասշտաբ միջոցառումներ չեն նշմարվում, սակայն իմ տեղեկություններով որոշ կազմակերպությունների հետ միասին այդ թեմայով գրքեր են հրատարակվելու: Դրանից բացի «Թալեաթ փաշա կոմիտեն» 2014 թ.-ի հոկտեմբերի 12-ին խորհրդակցական ժողով է հրավիրելու, որտեղ բոլորին կներկայացնենք 2015-ի մեր ճանապարհային քարտեզն ու գործողությունների ծրագիրը»:

Թուրքական «Ուլուսալքանալ» լրատվական կայքի հաղորդմամբ՝ հակահայ գործիչը տեղեկացրել է, որ նախատեսում են աշխարհի տարբեր երկրներում անցկացնել բազմաթիվ գիտաժողովներ, հեռարձակել հաղորդումներ տարբեր ռադիոկայաններով ու հեռուստաալիքներով:

Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։