PirsusHaber. Ազնավուրը Էրդողանին հրավիրել է Հայաստան

Ցեղասպանություն12:02, 30 Սեպտեմբեր 2014

PirsusHaber. Ազնավուրը Էրդողանին հրավիրել է Հայաստան

Սերբական RTS հեռուստատեսության եթերում աշխարհահռչակ հայ երգիչ Շառլ Ազնավուրը թուրք ժողովրդին և Թուրքիայի նախագահ Էրդողանին ուղղված կոչում նշել է, որ ցանկանում է՝ հայ և թուրք ժողովուրդները փոխհամաձայնության գան:

Ըստ թուրքական «PirsusHaber» լրատվական կայքի՝ Ազնավուրն ասել է՝ չնայած որոշ ժամանակահատվածներում երկու ժողովուրդներին բաժանող դեպքեր են տեղի ունեցել, այնուամենայնիվ, հայերն ու թուրքերը եղբայրներ են: Ազնավուրն ասել է նաև, որ հայերն ու թուրքերը ստիպված են կրկին ընդհանուր կյանք սկսել: 90-ամյա երգիչն ասել է, որ ցանկանում է մահվանից առաջ տեսնել երկու ժողովուրդների միջև կայանալիք փոխհամաձայնությունը:

Ըստ աղբյուրի՝ Ազնավուրը հայտարարել է, որ Թուրքիայի նախագահ Ռեջեփ Թայիփ Էրդողանին հրավիրել է Հայաստան՝ մասնակցելու 2015- թվականի ապրիլի 24-ին կայանալիք ցեղասպանության զոհերի ոգեկոչման արարողությանը: Ազնավուրն ասել է, որ դեռևս Էրդողանից պատասխան չի ստացել՝ ավելացնելով. «Եթե Էրդողանը որոշի գնալ Հայաստան, ապա ես էլ կգնամ նրա հետ»:

Թուրքական կայքի լուրի համաձայն՝ Ազնավուրն անդրադարձել է նաև հայերի կրած տառապանքները ժխտող թուրքերին՝ ասելով, որ խստորեն դատապարտում է վերջիններին:

Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։