Թուրքիայի կրոնական գործերի վարչության պետ. «Այա Սոֆիան եկեղեցի չէ»

Հասարակական11:12, 11 Սեպտեմբեր 2014

Թուրքիայի կրոնական գործերի վարչության պետ. «Այա Սոֆիան եկեղեցի չէ»

Թուրքիայի կառավարությանն առընթեր կրոնական գործերի վարչության ղեկավար, պրոֆեսոր Մեհմեթ Գյորմեզը սխալ է համարել, որ հայ և հույն համայնքները հոգևորական պաատրաստելու համար ստիպված են նրանց ուղարկել Հունաստան և Հայաստան:

Գյորմեզի կարծիքով Թուրքիայի համար ճեմարան բացելը ավելի հեշտ է, քան Ղուրանի դասընթացներ կազմակերպելը:

ինչպես տեղեկացնում է թուրքական «Objektif Haber» լրատվական կայքը, Գյորմեզն անդրադարձել է նաև Այա Սոֆիա տաճարը կրոնական ծեսերի համար բացելու հարցին:

Նա նշել է, որ Այա Սոֆիան եկեղեցի չէ, ոչ էլ թանգարան է, այն Մեհմեթ Ֆաթիհ սուլթանի և բոլոր մուսուլմանների տաճարն է: «Այն այս ազգի, այս քաղաքակրթության և պատմության, ինչպես նաև ամբողջ աշխարհի համար շատ կարևոր խորհրդանշական արժեք ունեցող իսլամական տաճար է»,-ընդգծել է կրոնական գործերի վարչության ղեկավարը:

Այա Սոֆիա բյուզանդական կայսրության գլխավոր քրիստոնեական տաճարը և Կոստանդնուպոլսի պատրիարքի նստավայրն է եղել։ Oսմանցի թուրքերի կողմից Բյուզանդիայի մայրաքաղաքի գրավումից հետո ծառայել է որպես մզկիթ, ներկայումս` թանգարան է։ Իր ներկա տեսքով կառուցվել է 532-537թթ. Հուստինիանոս I կայսեր նախաձեռնությամբ ճարտարապետներ Իսիդոր Միլեթացու և Անթիմիոս Թրալացու կողմից:

Ermenihaber.am

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։