Էրդողանն Օբամայից կպահաջնի արտահանձնել Ֆեթուլլահ Գյուլենին

Միջազգային13:22, 05 Սեպտեմբեր 2014

Էրդողանն Օբամայից կպահաջնի արտահանձնել Ֆեթուլլահ Գյուլենին

Թուրքիայի նախագահ Ռեջեփ Թայիփ Էրդողանը այսօր հանդիպելու է ԱՄՆ նախագահ Բարաք Օբամայի հետ, ումից պահանջելու է արտահանձնել ԱՄՆ-ում բնակվող հայտնի իսլամական գործիչ Ֆեթուլլահ Գյուլենին:

Թուրքիայի նախագահը ՆԱՏՕ-ի վեհաժողովին մասնակցելու նպատակով Մեծ Բրիտանիա մեկնելիս ինքնաթիռում պատասխանել է լրագրողների հարցերին:

Էրդողանը, լրագրողներին ներկայացնելով Օբամայի հետ հանդիպման օրակարգային հարցերը, նշել է, որ Իրաքում և Սիրիայում տեղի ունեցող զարգացումներից և իսրայելա-պաղեստինյան հակամարտությունում հրադադարի ռեժիմի պահպանման ուղղված հարցերից բացի կքննարկվեն նաև Թուրքիայի ազգային անվտանգությանը, «զուգահեռ կառույցին», երկողմ հարաբերությունների զարգացմանը վերաբերող թեմաներ: Այս մասին տեղեկացնում է թուրքական «Աքշամ» թերթը:

Էրդողանը, պատասխանելով լրագրողի այն հարցին, թե ԱՄՆ նախագահի հետ «զուգահեռ կառույցի» վերաբերյալ ինչ հարցեր են քննարկվելու, ասել, որ ԱՄՆ-ից, որպես ռազմավարական գործըկեր, պահանջելու է՝ կամ Գյուլենին արտաքսել, կամ հանձնել Թուրքիային :

Ըստ Էրդողանի, ստեղծվել է մի լրտեսական կառույց, որը գաղտնալսել է Թուրքիայի վարչապետի (մինչև նախագահական ընտրություները-խմբ.) և նախարարների խոսակցությունները: Իսկ այդ ամենը ղեկավարող կենտրոնը գտնվում է ԱՄՆ-ում՝ Փենսիլվանիայում:

Նշենք, որ ԱՄՆ-ի Փենսիլվանիա նահանգում բնակվող թուրք միլիարդատեր Ֆեթուլլահ Գյուլենը հզոր իսլամական շարժման առաջնորդ է և բազմաթիվ մահմեդական երկրներում, այդ թվում և Թուրքիայում ազդեցիկ լծակներ ունի: 2013թվականի վերջին Թուրքիայում ծագած կոռուպցիոն սկանդալը կապվում է Էրդողան-Գյուլեն հակամարտության հետ: Իսկ նախկինում գյուլենական համայնքը միշտ դիտվել է որպես Էրդողանի վարչակազմի վարած իսլամական քաղաքականությունը սատարող ուժ:

Ermenihaber.am