Սուլթանը հաղթեց. միջազգային մամուլի արձագանքը Թուրքիայի նախագահի ընտրությանը

Միջազգային08:12, 11 Օգոստոս 2014

Սուլթանը հաղթեց. միջազգային մամուլի արձագանքը Թուրքիայի նախագահի ընտրությանը

Թուրքիայում անցկացված նախագահական ընտրությունները աննկատ չմնացին միջազգային հանրության կողմից: Բազմաթիվ լրատվամիջոցներ գրեցին, որ նախագահի թեկնածու, իշխող «Արդարություն և զարգացում» կուսակցության առաջնորդ և գործող վարչապետ Ռեջեփ Թայիփ Էրդողանի հաղթանակը նախագահական ընտրություններում վաղուց կանխորոշված էր:

Թուրքական «Ջումհուրիյեթ» պարբերականը ներկայացնում է միջազգային լրատվամիջոցների անդրադարձը Թուրքիայի նախագահական ընտրություններին:

WALL STREET JOURNAL

«60-ամյա Էրդողանը, ով մրցապայքարի մեջ է Էքմելեդդին Իհսանօղլուի և քրդերի հույս երիտասարդ քաղաքական գործիչ Սելահաթթին Դեմիրթաշի հետ, մինչև այժմ եղած ամենաժողովրդական քաղաքական գործիչն է»:

BILD

«Նախագահական ընտրությունների ֆավորիտն առջևում է: Երևում է, որ պետությունը գնում է ավտորիտարիզմի ճանապարհով: Վարչապետ Էրդողանը բացարձակ մեծամասնությամբ հաղել է: Սուլթանը հաղթեց»:

DER STERN

«Նախագահական ընտրություններին նոր Թուրքիայի խոստում տված Էրդողանն իր ուժին նոր ուժ է ավելացնելու: 2002-ից սկսած ոչ մի ընտրություն տանուլ չի տվել: Էրդողանը կոմպրոմիս փնտրող դիվանագետ չէ: Ընդհակառակը, պատերազմից չվախեցող և Թուրքիան բևեռացման տանող մի ուժ է»:

DER SPIEGEL

«Թուրքերը քվեների բացարձակ մեծամասնությամբ հենց առաջին փուլում հանրապետության նախագահ ընտրեցին Էրդողանին: Վերջինս առաջիկայում շարունակելու է տուրք տալ պահպանողական իսլամի գաղափարներին: Նախագահի ինստիտուտը էլ ավելի է նպաստելու Էրդոանի ավտորիտար հակումներին»:

GUARDIAN

«Ընտրություններին մասնակցության ցածր ակտիվության պայմաններում Էրդողանը հաղթանակած դուրս եկավ»:

EL CEZİRE

«Ավելի քան 10 տարի իշխանության տևած Էրդողանի իշխանության երկարաձգումը երաշխավորվեց ևս 5 տարի»:

AFTENPOSTEN

«Թայիփ Էրդողանը հասավ իր ուզած իշխանական դիրքին: Նախագահական ընտրություններում հաղթանակ տարած Էրդողանը ցանկանում է «Աթաթուրք» խաղալ: Էրդողանին նախագահի աթոռը նվիրեց ընդդիմությունը»:

Ermenihaber.am