Թուրքիայի ընդդիմության միասնական թեկնածուի դիրքորոշումը 1915-ի նկատմամբ

Քաղաքական12:13, 15 Հուլիս 2014

Թուրքիայի ընդդիմության միասնական թեկնածուի դիրքորոշումը 1915-ի նկատմամբ

Թուրքիայի առաջիկա նախագահական ընտրություններում երկրի խոշոր ընդիմադիր ուժերի` «Ժողովրդահանրապետական» (ԺՀԿ-CHP) և «Ազգայնական շարժում» (ԱՇԿ-MHP) կուսակցությունների առաջադրած միասնական թեկնածու Էքմելեդդին Իհսանօղլուն ի դիրքորոշումն է հայտնել Հայոց ցեղասպանության հարցի վերաբերյալ:

Թուրքական ընդդիմադիր «Թարաֆ» թերթի լրագրող Հայկո Բաղդատը հարց է տվել Իհսանօղլուին. «2015-ին ընդառաջ, միջազգային իրավունքի տեսանկյունից ինչպես եք բնորոշում 1915-ը և ինչպես եք գնահատում Թուրքիայի հղած ցավակցական ուղերձը»:

Իհսանօղլուն դրական է գնահատել այս տարվա ապրիլի 23-ին թուրքական կառավարության հղած ցավակցական ուղերձը` անվանելով այն տեղին և ճշմարիտ:

«1915-ի պատմության ցավալի իրադարձություննները մեզ բոլորիս վշտացրել են և շարունակելու են ցավ պատճառել»:

Հայկո Բաղդատն իր հոդվածում Իհսանօղլուի այս պատասխանը բնորոշել է որպես ժխտողականության համար անգիր արված նախադասություններ:

Այնուհետև հոդվածագիրը հիշեցնում է, որ Թուրքիայի 8-րդ նախագահ Թուրգութ Օզալի կառավարման շրջանում հատուկ ուշադրություն էր հատկացվել հայկական հարցի լուծմանը:

Օզալի աշխատանքային մերձավոր շրջապատից Վեհբի Դինչերլերը, ով զբաղեցրել է կրթության նախարարի պաշտոնը, ժամանակին «Աքսիյոն» ամսագրին տված հարցազրույցի ժամանակ տեղեկացրել էր, որ Օզալը հրահանգել էր ստեղծել օսմանագետների աշխատանքային խումբ օսմանյան արխիվներն ուսումնասիրելու համար: Բացի դրանից Օզալի կողմից նախաձեռնվել է «Վան նախագիծը», ըստ որի, նախատեսվում էր կազմակերպել հայերի վերադարձը Վան սկզբնական շրջանում թեկուզ տուրիզմի ճանապարհով: Բայց Օզալի այս ձեռնարկը կորշ արձագանք գտավ թուրքերի շրջանում և մամուլի հրապարակումներ եղան, թե Օզալը ցանկանում է Վանը հանձնել հայերին:

Ermenihaber.am