Քաղաքական07:15, 04 Հուլիս 2014
Taraf. Էրդողանը պատրաստվում է բացել հայ-թուրքական սահմանը
Թուրքիայի նախագահական ընտրություններում իր թեկնածությունն առաջադրած Ռեջեփ Թայիփ Էրդողանը պատրաստվում է կատարել 2-րդ քայլը հայ-թուրքական հարաբերությունների կարգավորման ուղղությամբ:
Այս մասին տեղեկություն են տարածել
թուրքական էլեկտրոնային կայքերը` որպես սկզբնաղբյուր հղում անելով ընդդիմադիր «Taraf»
պարբերականին: «Էրդողանի կողմից 2-րդ ժեստը Հայաստանին» վերտառությամբ հոդվածը
լայնորեն տարածվում է թուրքական էլեկտրոնային լրատվամիջոցների կողմից: Հոդվածը`
ստորև.
Առաջին քայլ. ցավակցական ուղերձ
Հայկական սփյուռքը 2015-ին ընդառաջ լայնամասշտաբ գործողություններ է իրականացնում` աշխարհին ներկայացնելու, թե ինչ է տեղի ունեցել հայ ժողովրդի հետ 1915 թվականին: Թուրքիայում իշխող «Արդարություն և զարգացում» կուսակցությունը (ԱԶԿ) հայկական կողմի նախաձեռնած արշավի ազդեցությունը նվազեցնելու համար միջոցներ ձեռնարկեց: Որպես առաջին քայլ` տեղի ունեցավ Թուրքիայի վարչապետի հղած ցավակցական ուղերձը 1915-ին սպանված օսմանահպատակ հայերի թոռներին: Ընդ որում ցավակցական ուղերձը հրապարակվել էր նաև հայերեն:
Երկրորդ քայլ. սահման
Թուրքիայի կառավարությունը երկրորդ փուլում ծրագրում է բացել ղարաբաղյան
պատերազմի պատճառով 1993-ին փակված և տարիներ շարունակ փակ մնացած
Հայաստան-Թուրքիա սահմանը: Տեղեկության կա այն մասին, որ վարչապետ Էրդողանի կողմից
արդեն տրվել է հրահանգ ավարտին հասցնել Ալիջանի սահմանային անցակետի բացման
նախապատրաստական աշխատանքները: Իսկ նախապատրաստական աշխատանքները սկսվել էին դեռևս
2012 թվականից: Այդ ընթացքում դեպի Ալիջանի սահմանակետ ձգվող շուրջ 7կմ ճանապարհը
հիմնանորոգվել և ասֆալտապատվել է: Անցակետը տեղնիկապես վերազինվել է մաքսային ծառայության համար անհրաժեշտ սարքավորումներով
(X Rayler): Թեև դեռ հստակեցված չի սահմանի պաշտոնական բացման ժամանակացույցը,
բայց կուլսիներում խոսակցություններ կան, որ սեպտեմբերից հետո հավանաբար կբացվի:
Քլինթոնն էր ցանկացել
Հայ-թուրքական սահմանի բացման ցանկություն էր հայտնել ԱՄՆ նախկին պետքարտուղար
Հիլարի Քլինթոնը 2009-ին Անկարա կատարած իր այցի ժամանակ: Ակնկալվում է, որ սահմանի բացմամբ ոչ միայն
կկարգավորվեն Հայաստանի հետ հարաբերությունները, այլ նաև որոշակիորեն կբարելավվեն
նաև Միացյալ Նահանգների հետ հարաբերությունները:
Ալիջանի բացման դեպքում այն կլինի Թուրքիայի գործող 31-րդ սահմանային
անցակետը: Ալիջանի դիմաց ՀՀ Արմավիրի մարզի Մարգարայի անցակետն է: Թուրքիայի
կողմից սահմանի բացմանը կհետևի Հայաստանի պատասխան քայլը, ինչի արդյունքում Հայաստանի
ու Թուքրիայի միջև կսկսեն ընթանալ բանակցություններ:
Ermenihaber.am
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |