«Փնտրվում է ուսուցիչ». Թուրքիայի հայկական դպրոցներում ուսուցիչների մեծ կարիք կա

Գիտակրթական08:11, 19 Հունիս 2014

«Փնտրվում է ուսուցիչ». Թուրքիայի հայկական դպրոցներում ուսուցիչների մեծ կարիք կա

Թուրքիայում «Հիմնադրամների միջև համերաշխության եւ հաղորդակցության պլատֆորմը»-ի կրթական հանձնաժողովի կողմից հայկական դպրոցներում անցկացված ուսումնասիրության արդյունքում պարզվել է, որ դպրոցներում ուսուցիչների մեծ կարիք կա: Տեղեկացնում է «Ակոս» թերթը:

Հանձնաժողովի կողմից պատրաստված զեկույցի համաձայն` առաջիկա 2 տարիների ընթացքում հայկական դպրոցներին անհրաժեշտ կլինեն 20 տարրական դասարանների և 143 այլ առարկաներ դասավանդող ուսուցիչներ:

Հանձնաժողովը որոշել է կրթաթոշակ տալ այն ուսանողներին, որոնք մանկավարժական կրթություն են ստանում և պատրաստվում են ուսուցիչներ դառնալ:
Հանձնաժողովի անդամ Նուրհան Փալաքօղլուն ասել է, որ իրենք արդեն լուծել են դասղեկների պակասի խնդիրը: Մասնավորապես, համապատասխան կրթությունը ստացող 15 ուսանողների ուսման վարձի մի մասը հիմնադրամն է հատուցել և ներկայումս այս հաստիքի համար ընդամենը 6 ուսուցչի կարիք կա:

Հանձնաժաղովի մեկ այլ անդամ Գարո Փայլանն էլ ասել է, ուսուցիչների մեծ պահանջարկը չպետք է ազդի կրթության որակի վրա և աշխատանքի ընդունվել ցանկացողների միջեւ մասնագիտական մրցակցությունը կարևոր պայման է:

Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։